• Latest news

Լայմի հիվանդությամբ տառապող ամերիկուհուն հինգ տարի բուժել են դեպրեսիայից (ֆոտո)

23 մայիսի, 2018  16:02

Ռոդ Այլենդից 23-ամյա Միքայլա Վաշերի մոտ Լայմի հիվանդությունը ախտորոշել են ինֆեկցիայի առաջացումից միայն հինգ տարի հետո։ Այդ ամբողջ ընթացքում աղջկան բոժել են դեպրեսիայից։

2008-ին աղջիկը արշավ է գնացել ընկերների հետ։  Բնության գրկում 13-ամյա Միքայլային տիզ է խայթել, բայց նա դրան առանձնապես ուշադրություն չի դարձրել։ Ծնողները նկատել են, որ իրենց դուստրը սկսել է հաճախ հոգնել ու գանգատվել գլխացավերից։ Հետո նրա մարմնի վրա կարմիր ցան է հայտնվել։

Բժիշկները հայտնել են, որ երեխայի մոտ դեպրեսիվ խանգարում է։ Ամերիկուհուն նշանակել են հանգստացնող դեղամիջոցներ՝ նա դրանք ընդունել է հինգ տարի ու պարբերաբար դիմել բժիշկների։ Ժամանակի ընթացքում Միքայլայի վիճակը չէր լավանում՝ ախտանշանները ավելի էին ուժգնանում։

18 տարեկանում աղջիկը որոշել է փոխել բժշկին։ Մի քանի շաբաթում նոր նյարդաբանը պարզել է, որ հիվանդի մոտ տիզային բորրելիոզ է կամ Լայմի հիվանդություն՝ ինֆեկցիոն հիվանդություն, որը իքսոդային տիզի խայթոցով է փոխանցվում։ Բորրելիոզը բարդ է ախտորոշել, քանի որ ախտանշանները նման են մյուս հիվանդություններին։ Լայմի հիվանդության բարձիթողի վիճակը սպառնում է կաթվածով ու մահացու ելքով։

Բժիշկը շտապ բուժում է նշանակել հիվանդին՝ Միքայլան երկար ժամանակ գտնվում էր կաթիլայինի տակ ու հրաժարվել է հանգստացնող դեղամիջոցներից։ «Ւնձ ասում էին, որ դժվար է լինելու։ Բայց ես չէի կասկածում, որ այդքան դժվար։ Արտաքուստ ես կարծես լրիվ առողջ էի, բայց ներքուստ բառացիորեն մահանում էի»,- պատմել է աղջիկը։

Բարդացումների պատճառով ամերիկուհուն նշանակել են հաշմանդամության նպաստ։ Հիմա Միքայլան օգնում է ուրիշներին ու ուզում է իր օրինակով ցույց տալ, թե ինչ կարևոր է ուշադիր լինել ինքդ քո հանդեպ ու հետևել առողջությանդ։ Նա խորհուրդ է տալիս միանգամից մի քանի մասնագետների դիմել ախտորոշման ճշգրտության համար։

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է