• Latest news

Դեպրեսիան կարող է դեղորայք ընդունելու հետեւանք լինել

15 հունիսի, 2018  20:00

Մեծ թվով մարդիկ դեղատոմսերով դեղորայք են ընդունում, որոնց կողմնակի արդյունքը դեպրեսիան է: Ամերիկյան բժշկական ասոցիացիայի ամսագրում հրապարակված հոդվածում առաջին անգամ ներկայացվում է, որ մի քանի դեղամիջոցի միաժամանակյա ընդունումը մեծացնում է դեպրեսիայի առաջացման հավանականությունը:

Գիտնականները 2005-2014 թվականներին վերլուծել են 26.192 մեծահասակների կողմից դեղորայքի ընդունման սխեմաները, որոնք ստացել են Առողջության եւ սննդի ազգային հետազոտության շրջանակում: Հետազոտության մասնակիցների շուրջ 8 տոկոսը հայտնել է դեպրեսիայի առկայության մասին:

Գիտնականները պարզել են, որ տարածված դեղատոմսով դեղամիջոցների ավելի քան 200-ի պարագայում դեպրեսիան եւ ինքնասպանության մասին մտքերը նշվել են որպես կողմնակի էֆեկտ: Այդ դեղամիջոցների թվում են հորմոնալ հակաբեղմնավորիչները, արյան ճնշումն ու սրտի աշխատանքը կարգավորող դեղամիջոցները, այրուցքի եւ գաստրիտի բուժման համար նախատեսված միջոցները, անտացիդներն ու ցավազրկողները:

«...այս դեղամիջոցների մեծ մասի դեպքում նախազգուշացնող գրություններ կան, այդ պատճառով մենք առայժմ համակարգային որոշումներ չունենք, այն (որոշումը) կայացնում են հիվանդներն ու առողջապահության ոլորտի մասնագետները, որոնք պետք է տեղյակ լինեն վտանգների մասին»,- ասել է հետազոտության հեղինակներից Իլինոյսի համալսարանի դեղագործական ֆակուլտետի պրոֆեսորի օգնական Դիմա Քաթոն:

Դեպրեսիայի ախտանշանների առկայության մասին հաղորդել է միաժամանակ երեք կամ ավելի դեղամիջոց օգտագործող մեծահասակների շուրջ 15 տոկոսը: Դեղորայք չընդունողների շրջանում դեպրեսիայի ախտանշաններ են ի հայտ եկել 5 տոկոսի, մեկ դեղորայք ընդունողների պարագայում՝ 7 տոկոսի, միաժամանակ երկու դեղորայք ընդունողների պարագայում՝ 9 տոկոսի մոտ:

Գիտնականները պարզել են, որ դեղատոմսով դեղորայք ընդունելու հաճախականությունը, որոնց կողմնակի արդյունքներից է դեպրեսիան, մեծացել է՝ 2005-2006 թվականներին 35 տոկոսից հասնելով 38 տոկոսի (2013-2014 թվականներ): Միաժամանակ, երեք կամ ավելի դեղամիջոցի միաժամանակյա ընդունում ավելացել է՝ 7-ից հասնելով 10 տոկոսի:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է