• Latest news

Միլենիալները պակա՞ս առողջ սերունդ կդառնան, քան նրանց ծնողները

20 հունիսի, 2018  10:40

Միլենիալները կարող են դառնալ առաջին սերունդը, որն ավելի վատթար առողջություն ունի, քան իր նախորդները: Այս մասին վկայում է Առողջության հիմնադրամի (Health Foundation) գիտահետազոտական կենտրոնի նոր զեկույցը: Աշխատավարձի սառեցված մակարդակը եւ սեփական կացարանի բացակայությունը չեն ներդաշնակվում այս սերունդի արտոնյալության մասին հայտարարություններին:

Զեկույցում դիտարկված են զբաղվածության, հարաբերությունների եւ բնակարանի հետ կապված խնդիրները, որոնք Մեծ Բրիտանիայում առնչվում են ներկայումս 20-ից մինչեւ 30 տարեկան մարդկանց: Դրանք գործոններ են, որոնք կարող են բերել ապագայում «ապրելակերպի» հիվանդությունների զարգացման մեծ հավանականության՝ քաղցկեղի, դիաբետի եւ սրտի հիվանդությունների:

Ստացած տվյալների համաձայն՝ այս միտումը կապված է երկարաժամկետ սթրեսի, տագնապայնության, դեպրեսիայի եւ կյանքի ավելի ցածր որակի հետ: Հետազոտողները նաեւ պարզել են, որ միլենիալներն առաջին սերունդն է, որն ավելի քիչ է փող վաստակում, քան նույն տարիքում նրանց ծնողները:

Հարցմանը մասնակցել է 22-ից մինչեւ 26 տարեկան 2 հազար մարդ: Հարցվածների միայն 31 տոկոսն է նշել ամուր հարաբերությունների եւ սոցիալական կապերի աճի առկայության մասին, 46 տոկոսը՝ ֆինանսական եւ ընտանեկան աջակցության բավարար մակարդակի մասին, իսկ 49 տոկոսը՝ ընտանիքի կողմից էմոցիոնալ աջակցության մասին: Գերակշիռ մեծամասնությունը (80 տոկոս) հայտարարել է, որ սոցիալական ցանցերն իրենց ստիպում են որոշակի պահվածք ունենալ:

«Այսօր երիտասարդները ճնշում են զգում, որը սաստիկ տարբերվում է նախորդ սերունդների վրա եղածից»,- ամփոփել է Առողջության հիմնադրամի  քաղաքական տնօրեն Ջո Բիբին:

Հետազոտողները պարզել են, որ միլենիալները հոգեբանական սթրեսի են ենթարկվում անկայուն աշխատանքի, զրոյական աշխատանքային պայմանագրի (գործատուն աշխատողին ամենօրյա զբաղվածություն չի երաշխավորում եւ վճարում է միայն փաստացի աշխատած ժամերի համար), ոչ լիակատար զբաղվածության եւ «գիգոնոմիկայի» (ազատ աշխատավարձի տնտեսություն, ֆրիլանս) պատճառով: Նրանք նշել են նաեւ սոցիալան ցանցերի ազդեցության նշանակալիությունը, քանի որ վիրտուալ ընկերությունն ու հարաբերությունները իրական կապերից ավելի կարեւոր են դառնում:

Սրանից բացի, Լոնդոնի թագավորական քոլեջի (Kings College London) վերջերս անցկացրած հետազոտությունը ցույց է տվել, որ միայնակ միլենիալների մոտ (նրանց համեմատությամբ, ովքեր զգում են մյուս մարդկանց հետ իրենց կապը) կրկնապատկվում է հոգեկան առողջության այնպիսի խնդիրների առաջացման վտանգը, ինչպիսին են դեպրեսիան եւ տագնապալի վիճակը: Իսկ Ազգային վիճակագրական վարչության տվյալներով՝ նրանք, մեծ հավանականությամբ, քրոնիկական միայնակություն են զգում, քան ցանկացած այլ տարիքային խմբի ներկայացուցիչները:

«Արդեն նշաններ են առկա, որ նախորդ սերունդների առողջության բարելավման ձեռք բերված հաջողությունները լիովին կարող են տապալվել մեծ թվով երիտասարդների կյանքի անհաստատունությամբ ու անկայունությամբ»,- The Times-ին ասել է Ջո Բիբին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է