• Latest news

Բրիտանուհին իրեն անորեքսիայի է հասցրել՝ քրոջ հարսանիքին իր զգեստի մեջ մտնելու համար (ֆոտո)

22 հունիսի, 2018  16:58

Մեծ Բրիտանիայի բնակչուհին իրեն անորեքսիայի է հասցրել՝ քրոջ հարսանիքին հարսնացուի քրոջ զգեստի մեջ մտնելու համար:

The Mirror-ի փոխանցմամբ՝ Քեթի Սմիթը (Katie Smith) 15 տարեկանում սկսել է օրական միայն 100 կալորիա ընդունել, 40 հաբ լուծողական դեղամիջոց խմել եւ մինչեւ ուժասպառ լինելը վազել: Այդպես, նրան հաջողվել էր նիհարել 28 կիլոգրամով՝ հասնելով 41 կիլոգրամի: Նա կարող էր միայն մանկական չափսերի հագուստ կրել:

Աղջիկը խոստովանել էր, որ, թեեւ S չափսից ավելի մեծ հագուստ երբեք չի կրել, սակայն լողով զբաղվելու շնորհիվ տպավորիչ մկաններ ուներ եւ կշռում էր մոտ 70 կիլոգրամ: Մինչ քրոջ հարսանիքը նա գոհ էր իր մարմնից, սակայն երբ փորձեց զգեստը եւ տեսավ, թե ինչպես է այն գրկում իր մարմինը, սկսեց ատել իր արտաքինը:

Իր նիհարած մարմինը ծնողներից թաքցնելու համար Սմիթը սկսել էր լայն հագուստ կրել եւ դադարել էր լողով զբաղվել: «Մկաններս մշտապես ցավում էին, իսկ ես մրսում էի, ուստի մի քանի շերտ հագուստ էի կրում: Երբ լողանալիս մազերս առատորեն թափվում էին կամ մնում բարձի վրա»,- պատմել է բրիտանուհին:

Հարսանեկան արարողության ժամանակ աղջիկը որեւէ բան չի կերել: Նա խոստովանել է, որ իրեն սարսափելի է զգացել, իսկ զգեստն ընկնում էր իր վրայից: Արդյունքում, աղջիկը հայտնվել է հիվանդանոցում, որտեղ երկար ամիսների բուժումից հետո կրկին սկսել է քաշ հավաքել եւ այժմ 64 կիլոգրամ է կշռում:

Սմիթը վախենում էր, որ ողջ չի մնա, եւ միայն հոգեբույժի օգնությունն ու բուժումն են օգնել նրան առողջանալ: Աղջիկը նշել է, որ հաղթահարել սննդի նկատմամբ իր զզվանքն օգնել է սիրած երաժշտությունը:

 

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել