• Latest news

Բաբկեն Պիպոյանը ՀՀ ԳՆ ՍԱՊԾ-ի ղեկավարի թեկնածուի շուրջ իրարանցումն արհեստական է համարում

22 հունիսի, 2018  15:37

«Տեղեկացված եւ պաշտպանված սպառող» ՀԿ-ի ղեկավար Բաբկեն Պիպոյանը Հայաստանի Հանրապետության գյուղատնտեսության նախարարության սննդամթերքի անվտանգության պետական ծառայության (ՀՀ ԳՆ ՍԱՊԾ) ղեկավարի ընտրությունների շուրջ իրարանցումն արհեստական է համարում:

Հիշեցնենք, որ հունիսի 20-ին՝ Սննդի անվտանգության տեսչական մարմնի կառավարման խորհրդի նիստին ՀՀ ԳՆ ՍԱՊԾ-ի ղեկավարի պաշտոնի համար քննարկվել է երեք թեկնածություն՝ Անասնաբուժական-սանիտարական եւ ֆիտոասանիտարական լաբորատոր ծառայությունների հանրապետական ​​կենտրոնի տնօրենի պաշտոնակատար Գեորգի Ավետիսյանի, միջազգային փորձագետ, ՍԱՊԾ-ի առաջին ղեկավար Գրիգոր Գրիգորյանի եւ Պետական ​​պահպանության ծառայության սանիտարական բժիշկ Արարատ Գյուլումյանի թեկնածությունները: Առաջին թեկնածուն ներկայացվել է Տեսչական մարմնի կառավարման խորհրդի կողմից, իսկ Գրիգորյանն ու Գյուլումյանը՝ Փոքր եւ միջին ձեռնարկատիրության համագործակցության ասոցիացիայի (SME) կողմից:

SME-ը նիստից մեկ օր առաջ, որի ղեկավար Հակոբ Ավագյանը Խորհրդի անդամ է, Facebook-ում հայտարարություն էր տարածել, որտեղ առաջարկել էր բոլոր նրանց, ով համապատասխանում է այս պաշտոնին, ուղարկել իրենց ինքնակենսագրականներն Ասոցիացիային: Այս հայտարարությունն իսկական փոթորիկ էր առաջացրել, քանի որ, ինչպես պարզվեց, սննդի անվտանգության ոլորտի հետ անմիջական առնչություն ունեցող մարդիկ առաջիկա քվեարկության մասին տեղեկացել էին միայն սոցիալական ցանցերից: Ստացված ինքնակենսագրականների վերլուծությունից հետո SME-ն կանգ էր առել Գրիգոր Գրիգորյանի եւ Արարատ Գյուլումյանին թեկնածությունների վրա:

Խորհրդի նիստին տեղի ունեցած քվեարկության արդյունքներով ընտրվել էին Ավետիսյանի եւ Գյուլումյանի թեկնածությունները: Դրանք կներկայացվեն վարչապետին, որը կարող է կամ հաստատել, կամ չհաստատել թեկնածություններից մեկը: Երկրորդ դեպքում կրկին Վերահսկիչ մարմնի կառավարման խորհրդի նիստ կանցկացվի:

Ավելի վաղ Գրիգոր Գրիգորյանը NEWS.am Medicine-ի հետ զրույցում, մեկնաբանելով իրավիճակը, նշել էր, որ տեղի ունեցածում քաղաքական կոռուպցիայի տարրեր է տեսնում, քանի որ Խորհրդի մեջ, որը առաջադրել էր ՍԱՊԾ-ի ղեկավարի թեկնածուին, մտնում են հարազատ եղբայրներ Բաբկեն Պիպոյանը եւ Դավիթ Պիպոյանը, որոնք տարբեր կազմակերպություններ են ներկայացնում: Ըստ նրա՝ Գեորգի Ավետիսյանը նրանց ընկերն է:

NEWS.am Medicine-ի թղթակցի հետ զրույցում Պիպոյանը նշեց, որ ընտրությունների շուրջ բարձրացված աղմուկն առաջին հերթին կապված է ՍԱՊԾ-ի ղեկավարի ընտրությունների կանոնակարգը չհասկանալու հետ: Նա հիշեցրեց, որ Սննդամթերքի անվտանգության տեսչական մարմնի կառավարման խորհուրդը նոր կառույց է եւ դրա անդամները ընտրվել են մանրակրկիր կերպով:

Խորհրդում ներառված է տասը մարդ, որից հինգը ներկայացնում են գործադիր մարմինը, երկուսը՝ հասարակական կազմակերպությունները եւ երկուսը՝ գիտական ոլորտը: Խորհրդի ղեկավարը Հայաստանի գյուղատնտեսության նախարարն է: Խորհրդի անդամների ընտրությունը կազմակերպվել էր բաց հիմունքներով. դրա մասին համապատասխան հայտարարություն էր տրվել 3 ամիս առաջ: Արդյունքում, Խորհրդում ներառվեցին եղբայրներ Բաբկենը եւ Դավիթ Պիպոյանները, որոնցից մեկը ներկայացնում է հասարակական սեկտորը, իսկ երկրորդը՝ Գիտությունների ազգային ակադեմիան:

Բաբկեն Պիպոյանը նշեց, որ նախորդ տարիներին ՍԱՊԾ-ի ղեկավարը նշանակվում էր վարչապետի կողմից: Իսկ այժմ, Խորհրդի շնորհիվ, հնարավորություն է ստեղծվել նախապես քննարկել հնարավոր թեկնածությունները: «Գեորգի Ավետիսյանի թեկնածությունն առաջադրվել է Խորհրդի ղեկավարի կողմից: Խորհրդի անդամները եւս թեկնածուներ առաջադրելու հնարավորություն ունեն: Խորհրդի բոլոր անդամներից այս իրավունքից օգտվել է միայն SME-ն՝ ի դեմս դրա ղեկավար Հակոբ Ավագյանի»,- պատմեց Պիպոյանը:

Մեկնաբանելով քննադատությունն առ այն, որ հանրությունը տեղեկացած չի եղել ինքնակենսագրականներն ուղարկելու եւ այս պաշտոնին հավակնելու հնարավորության մասին՝ Պիպոյանը խորհուրդ տվեց ծանոթանալ գործող օրենսդրությանը: «Սա պետական քաղաքացիական ծառայության պաշտոնի համար մրցույթ չէ, որպեսզի յուրաքանչյուր ոք կարողանա մասնակցել դրան: Այս դեպքում գործում է տեսչական մարմինների մասին օրենքը»,- նշեց փորձագետը:

Ինչ վերաբերում է մեղադրանքներին, որ ինքը բարեկամական հարաբերությունների մեջ է Գեորգի Ավետիսյանի հետ, Պիպոյանը հիշեցրեց. «Ես արդեն 7 տարի է աշխատում եմ սննդի անվտանգության ոլորտում, եւ, բնականաբար, ծանոթ եմ գրեթե բոլորին, ով աշխատում է այս ոլորտում»: Ընդ որում, նա չթաքցրեց, որ քվեարկության ժամանակ քվեարկել է Ավետիսյանի եւ Գյուլումյանի թեկնածությունների օգտին:

Նշենք, որ նյութի պատրաստման ընթացքում հայտնի դարձավ, որ Գեորգի Ավետիսյանն արդեն նշանակվել է այդ պաշտոնում։ 

Սննդամթերքի անվտանգության ծառայության նոր ղեկավարի ընտրության շուրջ կրքերը բորբոքվում են

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է