Վթարի ժամանակ «զոհված» կինը դիահերձարանում ողջ է հայտնաբերվել

10 հուլիսի, 2018  15:10

Հունիսի 24-ին ավտովթարի հետեւանքով զոհված Հարավային Աֆրիկայից կինը ավելի ուշ ողջ է հայտնաբերվել դիահերձարանի սառնարանում: Այս մասին հայտնում է Times LIVE-ը:

Վթարի վայր ժամանած պարամեդիկները արձանագրել են կնոջ եւ երկու այլ մարդկանց մահը: Սակայն ավելի ուշ, երբ դիահերձարանի աշխատակիցը սառնարանում ստուգել է մարմինը, պարզվել է, որ կինը, ում անունը չի հրապարակվում, դեռեւս շնչում է: ՀԻմա նա հիվանդանոցում ապաքինվում է:

Distress Alert շտապ օգնության ծառայության օպերացիոն մենեջեր Գերիտ Բրեդնիկը, որի աշխատակիցները եղել են դեպքի վայրում, պարզաբանել է, որ իր ենթականերն անփութություն չեն դրսեւորել: ER24-ի (Emergency Medical Service – շտապ անհետաձգելի բուժօգնություն) պարամեդիկները դեպքի վայր են ժամանել առաջինը, եւ նրանց շտապ օգնության մեքենան բախվել է ավտոմեքենայի, որն ավելի վաղ շրջվել էր՝ դուրս նետելով ուղեւորներին:

Distress Alert-ի պարամեդիկների հետ դեպքի վայր ժամանած Բրեդնիկը պատմել է. «Շտապ օգնության մեքենայի պարամեդիկները մարմինները հայտնաբերել են տրանսպորտային միջոցից դուրս: Նրանք դուրս էին նետվել, երբ մեքենան շրջվել էր: Մյուս պարամեդիկները արդեն կատարել էին նախնական ստուգումները՝ պարզելու, թե ում մոտ վնասվածքներ կային, ում մոտ՝ ոչ: Նրանք արդեն ծածկել էին մահացածների մարմինները… Իմ թիմը պատրաստել է երկու մարմնի փաստաթղթերը: Այս կնոջ մոտ առկա էին ծանր եւ բազմաթիվ վնասվածքներ: Վնասվածքները, հատկապես գլխի, այնքան ծանր էին, որ անհնար էր որոշել նրա տարիքը կամ չափը»:

Նրա խոսքով՝ հատուկ սարքավորումը կնոջ մոտ կյանքի նշանների բացակայություն է ցույց տվել:

Դատական բժշկության ծառայության գլխավոր տնօրեն Փոլ Մորուլը պատմել է, որ իր պրակտիկայում նախկինում երբեք այսպիսի բանի չի բախվել, իսկ այս միջադեպը հետաքննում է Գաուտենգի առողջապահության բաժինը:

Համանման դեպքեր են գրանցվել նաեւ նախկինում: Օրինակ՝ 2016 թվականին Քվազուլու Նաթալեում ճանապարհային պատահարի զոհ դարձած տղամարդը մահացած է ճանաչվել, սակայն հաջորդ օրը հայտնաբերել են, որ նա շնչում է: Ադուհանդերձ, տղամարդը ողջ չի մնացել՝ մի քանի ժամ անց մահացել է:

Այս տարվա հունվարին իսպանական Աստուրիա շրջանում 29-ամյա բանտարկյալը մահացած է գտնվել բանտախցում: Դիահերձումից մի քանի ժամ առաջ նա գիտակցության է եկել:

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի