• Latest news

Երեքամյա աղջնակի համար աչքի պրոթեզ են պատրաստել իր փորի ճարպից

10 հուլիսի, 2018  21:12

Մեծ Բրիտանիայից 3 տարեկան Մայա Հոքսվելի համար, որը ծնվել է առանց աջ աչքի,  աչքի պրոթեզ են պատրաստել նրա փորի ճարպային հյուսվածքից: Աղջիկը երկրում առաջին հիվանդն է, ում նման վիրահատություն են կատարել:

Ինչպես փոխանցում է The Daily Mail-ը, աղջիկը մեկ աչքից կույր է ծնվել: Միկրոֆտալմիա ախտորոշումը կատարվել է ծնվելուց 3 օր հետո: Միկրոֆտալմիան շեղում է, որի դեպքում մարդու  մեկ կամ երկու աչքերը թերզարգացած են:

«Ես նրան տեսնելուն պես հասկացա, որ մի բան այն չէ»,- ասել է 3-ամյա Մայայի մայրը:

Մեկ տարեկանում նրան սովորական պրոթեզ են դրել: Սակայն ծանրության պատճառով այն փոքրիկի դեմքը ձեւախախտում էր: Այդ ժամանակ բժիշկները որոշել են նրա փորից ճարպի 1-միլիմետրանոց շերտ վերցնել եւ այն օգտագործել որպես նոր աչքի նյութ: Սա բավական եզակի վիրահատություն է եւ կիրառվում է միայն այն դեպքերում, երբ մյուս միջոցները չեն համապատասխանում:

Աղջկա մոր խոսքով՝ եթե իրենք չվճռեին հեղափոխական վիրահատությունը կատարել, աղջկա դեմքը ցած կիջներ եւ կձեւախախտվեր արհեստական ակնախնձորի ծանրությունից: Բացի այդ, արհեստական աչքն արդեն մի քանի անգամ երեխայի մոտ ինֆեկցիաներ էր առաջացրել:

Աղջիկը ստիպված է պրոթեզն ամեն տարի փոխել բնական աճի պատճառով:

Մայայի մայրը արդեն դրամահավաքի արշավ է գործարկել դեղերի եւ աղջկան խնամելու համար:

Ծրագրվել է, որ փոխարինող պրոթեզը պատրաստ կլինի այն պահին, երբ աղջիկը դպրոց կհաճախի: Հիմա Մայան 3 տարեկան է, նա չի ամաչում ժպտալուց եւ կենսուրախ երեխա է երեւում, չնայած ամբողջ կյանքում մի աչքից կույր կմնա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է