• Latest news

Ֆրանսիայում առաջին անգամ գրանցվել է Ոսուտու վիրուսով մարդու վարակման դեպք

11 հուլիսի, 2018  14:41

Ֆրանսիայում գրանցվել է Ուսուտու վիրուսով մարդու վարակման երկրի պատմության մեջ առաջին դեպքը, հայտնել են Առողջության եւ բժշկական հետազոտությունների ազգային ինստիտուտից (INSERM):

Վարակման դեպքը գրանցվել է հունիսի 21-ին: Հիվանդացած 30-ամյա տղամարդը INSERM-ի կլինիկա է տեղափոխվել դիմային նյարդի վնասմամբ: Նրան ախտորոշում են կատարել եւ բուժումը սկսել:

Ուսուտու վիրուսը տարածված է Աֆրիկայում: Այն հիվանդ թռչուններից փոխանցվում է մոծակների միջոցով եւ ախտահարում նյարդային համակարգը: Վիրուսը հայտնաբերվել է 1959 թվականին Աֆրիկայում՝ կենդանիների մոտ: 1990-ականների կեսին թռչունների վարակման դեպքեր են գրանցվել եվրոպական երկրներում:

Վարակված մարդկանց մասին տեղեկությունները հայտնվել են 2000-ական թվականներին, վարակման դեպքեր են դիտվել Իտալիայում եւ Խորվաթիայում: Ներկայումս չի գրանցվել մարդուց մարդուն վիրուսի փոխանցման ոչ մի դեպք:.

Բջիջների վրա կատարված փորձերով ապացուցվել է, որ վիրուսը նեյրոնները ոչնչացնում է: Տուժում են նյարդային համակարգի նաեւ մյուս բջիջները: Իմունային համակարգը սրան պատասխանում է ուժեղ բորբոքմամբ: Ըստ երեւույթին, այս բորբոքումը եւ մեռած նեյրոնների քայքայման արդյունքները բերում են էնցեֆալիտի, մենինգիտի կամ մենինգոէնցեֆալիտի: Հնարավոր է նաեւ, որ Ուսուտու վիրուսը, Զիկա վիրուսի նման,  կարող է հղի կնոջից պտղին փոխանցվել եւ խախտել երեխայի ուղեղի զարգացումը: Սակայն սա, ինչպես նաեւ վիրուսի այլ հատկությունները, դեռեւս պետք է պարզել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է