• Latest news

Հետազոտողները կրծքագեղձի քաղցկեղի հետ կապված սպիտակուց են գտել

12 հուլիսի, 2018  19:31

Հետազոտողները նոր սպիտակուց են հայտնաբերել որը կարող է կապված լինել կրծքագեղձերում քաղցկեղային ուռուցքների աճի եւ զարգացման հետ: Այս մասին հայտնում է Journal of Cell Biology ամսագիրը:

Ֆիբրոնեկտին սպիտակուցը էստրոգենների (իգական սեռական հորմոններ) ռեցեպտորների ակտիվությունը մեծացնում է կրծքագեղձի ուռուցքի բջիջներում: Ինչպես հայտնի է, էստրոգենները կարեւոր դերակատարում ունեն առողջ եւ քաղցկեղային բջիջների զարգացման մեջ. էստրոգենային ռեցեպտորների մեծ ակտիվության դեպքում բջիջների պրոլիֆերացիան (բազմացումը) արագանում է, եւ ուռուցքը սկսում է աճել:

Կրծքագեղձի քաղցկեղի դեպքերի մոտ 75 տոկոսը կապված է էստրոգենային ռեցեպտորների մեծ ակտիվության հետ: Այսպիսի ուռուցքները տարածվում են ռեցեպտորներին միացած էստրոգենների շնորհիվ: Երբ քաղցկեղային բջիջները սկսում են թափանցել շրջապատող հյուսվածքների մեջ, բախվում են ֆիբրոնեկտին կպչուն սպիտակուցին:

Նախորդ հետազոտությունները ցույց են տվել, որ ֆիբրոնեկտինի եւ նրա ß1-ինտեգրինի բարձր մակարդակները կրծքագեղձի ուռուցքին օգնում են վերապրել: Սակայն գիտնականները չգիտեին, թե դա ինչպես եւ ինչու է տեղի ունենում: Հիմա մասնագետները պարզել են, որ ֆիբրոնեկտինը կրծքագեղձի ուռուցքի բջիջներում մեծացնում է էստրոգենների ռեցեպտորների ակտիվությունը:

Եթե քաղցկեղային բջիջները շրջապատված էին ֆիբրոնեկտինով, էստրոգենների ռեցեպտորները խուսափում էին լիզոսոմների կողմից (բջջային օրգանելաներ) քայքայվելուց եւ շարունակում էին խթանել քաղցկեղային բջիջների աճը:

Բացառված չէ, որ ֆիբրոնեկտինի եւ էստրոգենային ռեցեպտորների փոխկապվածության վրա ազդող դեղերը կարող են օգնել կրծքագեղձի քաղցկեղով որոշ մարդկանց:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է