• Latest news

Ինչպե՞ս պաշտպանվել մոծակներից. փորձագետների խորհուրդներ

17 հուլիսի, 2018  10:49

Ավստրալիայում Մելբուրնի համալսարանի կենսաբանի նկարահանած հոլովակը ցույց է տալիս, թե ինչպես են միջատները փորձում ցանցը ծակել՝ մարդուն խայթելու համար: Ավստրալիայի Հիվանդությունների վերահսկողության եւ կանխարգելման կենտրոնի զեկույցի համաձայն՝ 2018 թվականը համարվում է հվանդությունների համար ամենավատթար տարին, որոնք փոխանցում են մոծակները եւ ներառում են Արեւմտյան Նեղոսի վիրուսը, Զիկա վիրուսը եւ դենգե տենդը. այս ամենը պոտենցիալ մահացու վտանգավոր է:

Չնայած մեզ խայթող միջատների մեծ մասը հիվանդություններ չեն կրում, քորը եւ կարմրությունը բավական են, որ ցանկանաս քեզ ամեն գնով պաշտպանել: Daily Mail Online պարբերականը երկու փորձագետների հետ զրուցել է այն մասին, թե ինչպիսի ռեպելենտներ՝ կենցաղային վանող նյութեր, գաջեթներ եւ հագուստի տեսակներ կան, որոնք զսպում են այս գարշելի միջատներին:

Ո՞ր ռեպելենտներն են իսկապես կանխում մոծակների խայթոցները

Նյու Մեքսիկոյի պետական համալսարանի պրոֆեսոր, բժիշկ Իմմո Հանսենը մոծակների դեմ ռեպելենտների անվտանգության ու արդյունավետության մի քանի հետազոտություններ է անցկացրել:

2015 թվականին կատարած նրա հետազոտությունը, որում դիտարկվում են մի քանի կոմերցիոն սփրեյներ, ցույց է տվել, որ DEET (դիէթիլտոլուամիդ) պարունակող արտադրանքը առավել արդյունավետ է:

«Դուք պիտակի վրա պետք է ստուգեք DEET-ի տոկոսը, եթե այն 25 տոկոսից բարձր է, ապա 6-8 ժամով պաշտպանությունն ապահովված է, սա ավելին է, քան մարդկանց մեծամասնությունն անցկացնում է փողոցում»,- ասել է նա Daily Mail Online-ին: Փոքր խտությունների դեպքում անհրաժեշտ է սփրեյն օգտագործել յուրաքանչյուր 2-4 ժամը մեկ:

Բժիշկ Հանսենը նաեւ հայտնաբերել է, որ կիտրոնային էվկալիպտի յուղը մոծակի խայթոցից շատ լավ է պաշտպանում: Բժշկի խոսքով՝ նրանք, ովքեր նախընտրում են իրենց մաշկի վրա ավելի բնական արտադրանք օգտագործել, յուղը կարող է կատարյալ ընտրություն լինել:

Մինչդեռ Շրջակա միջավայրի պահպանության գործակալությունը զգուշացնում է, որ չի կարելի կիտրոնային էվկալիպտի յուղն օգտագործել մինչեւ 3 տարեկան երեխաների համար:

Քլիվլենդի կլինիկայի ընտանեկան բժշկության բժիշկ Նեհա Վյասը Daily Mail Online-ին հայտնել է, որ որոշ ռեպելենտներում, պիկարիդինում եւ IR3535-ում կա 2 այլ բաղադրիչ՝ 2 քիմիական պատրաստուկ, որ մշակվել են 1980-ական թվականներին, որոնք նույնպես օգնում են մոծակների խայթոցի կանխմանը:

«Ինչ վերաբերում է օրվա ժամին, ապա մենք ընտելացել ենք, որ պետք է պաշտպանվել մինչեւ արեւամուտ, սակայն հիմա գիտենք տարբեր մոծակների մասին, որոնք զանազան հմտություններով են օժտված, ուստի պետք է պաշտպանված լինենք 24/7 ժամում»:

Ո՞ր սարքերն են ոչ արդյունավետ մոծակներից պաշտպանվելու համար

2015 թվականին կատարված հետազոտությունը ցույց է տվել, որ ձայնային սարքերը, որոնք նախատեսված են երեխաներին անլսելի ձայնի միջոցով մոծակներին վախեցնելու համար, արդյունավետ չեն:

«Իրականում այդ ձայնը նրանց գրավում է»,- ասել է բժիշկ Հանսենը:

Նա հավելել է, որ եթերային յուղերով ռեպելենտ-ապարանջանները, որոնք իբր պաշտպանում են մլակներից, ոչինչ ավելի չեն անում, քան «հաճելի բույր արձակելը»:

Պարզվել է նաեւ, որ B-1 վիտամինով պատչերը եւ ցիտրոնելի մոմիկները նույնպես ոչ արդյունավետ են: «Եթե մոմը հետնաբակում վառեք, ապա կստանաք պլացեբոյի էֆեկտից ոչ ավելին»,- ասել է բժիշկ Հանսենը:

Ի՞նչ հագուստ է պետք հագնել

Բժիշկ Վյասը խորհուրդ է տալիս հագնել խիտ գործվածքից հագուստ, ներառյալ բամբակե շապիկներ եւ նեյլոնե տաբատներ:

«Մենք ձգտում ենք խուսափել սպանդեքսից կամ ինչ-որ բարակ բանից, քանի որ մոծակները կարող են անցնել անցքերով»,- ասել է նա:

Չնայած մոծակներին ավելի շատ գրավում են հոտերը, քան գույները, այդուհանդերձ, նրանց գրավում է մուգ գույնի հագուստը:

Բժիշկ Վյասը խորհուրդ է տալիս հագնել բաց երանգների հագուստ՝ սպիտակ, բեժ կամ խակի:

Բացի այդ՝ երկարաթեւ շապիկները եւ երկար տաբատները, ինչպես նաեւ փակ կոշիկը լրացուցիչ պաշտպանություն են ապահովում:

Բժիշկ Վյասն ասում է, որ եթե ցանկանում եք լրացուցիչ պաշտպանություն ստանալ, կարող եք փողոց դուրս գալուց առաջ հագուստի վրա Պերմետրին ցողել՝ տիզերի, ճանճերի եւ մոծակների խայթոցներից պաշտպանվելու համար:

Ռոդ Այլենդի համալսարանի կատարած հետազոտությունը ցույց է տվել, որ նրանք, ովքեր իրենց գուլպաների եւ մարզակոշիկների վրա Պերմետրին են ցողել, 73,6 անգամ ավելի քիչ էին ենթակա տիզի խայթոցին:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է