• Latest news▼

Արթիկի Մոր ու Մանկան ԱՊԿ-ի տնօրենը 2,3 մլն դրամ է վճարել սանիտարի, որն աշխատանքի չի հաճախել. քրգործ է հարուցվել

19 հուլիսի, 2018  15:33

Շիրակի մարզի Արթիկի Մոր և Մանկան առողջության պահպանման կենտրոնի տնօրենը կասկածվում է յուրացում կատարելու մեջ:

NEWS.am-ի տեղեկություններով, փաստի առթիվ քրեական գործ է հարուցվել Շիրակի մարզի դատախազությունում: Գլխավոր դատախազության հանրային կապերի բաժնից հաստատեցին մեր տեղեկությունը:

Նրանց փոխանցմամբ, մասնավորապես՝ հուլիսի 6-ին ոստիկանությունում օպերատիվ տվյալներ են ստացվել, որ «Արթիկի Մոր և Մանկան ԱՊԿ» ՓԲԸ-ի տնօրենը, որպես սանիտար, աշխատանքի է հրամանագրել Արթիկ քաղաքի մի բնակչուհու, որը աշխատանքի չի հաճախել: Նյութերի նախապատրաստման ընթացքում Ոստիկանության Արթիկի բաժնի կողմից ձեռնարկված միջոցառումներով պարզվել է, որ տվյալ անձը «Արթիկի Մոր և Մանկան ԱՊԿ» ՓԲԸ-ում 2009թ. ընդունվել է աշխատանքի որպես սանիտար, աշխատանքի չի հաճախել, սակայն ստացել է աշխատանքային պայմանագրով սահմանված աշխատավարձի գումարները: Համապատասխան փաստաթղթերի ուսումնասիրությամբ պարզվել է, որ նրա անվամբ հաշվարկվել և վճարվել է ավելի քան 2.3 մլն դրամ գումար:

Շիրակի մարզի դատախազությունում քրեական գործ է հարուցվել Քրեական օրենսգրքի 179-րդ հոդվածի 2-րդ մասի 1-ին և 3-րդ կետերի հատկանիշներով, այն է՝ յուրացնելը կամ վատնելը, որը կատարվել է պաշտոնեական դիրքն օգտագործելով եւ խոշոր չափերով:

Հետևեք NEWS.am Medicine-ին Facebook-ում և Twitter-ում

Տպել 

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է