• Latest news

Ածխաջրերով հարուստ 4 մթերքներ, որոնք կօգնեն Ձեզ նիհարել

28 հուլիսի, 2018  22:20

Շատերը, ովքեր ցանկանում են նիհարել, վախենում են ածխաջրերից: Բայց, իրականում, ոչ բոլոր ածխաջրերն են «վատը»: «Լավ» ածխաջրերով մթերքներում կա նաեւ բջջանյութ, որը շատ օգտակար է ընդհանուր առմամբ առողջության եւ մասնավորապես մարսողության համար:

Ձեր ուշադրությանն ենք ներկայացնում մի քանի օգտակար մթերքներ, որոնք հարուստ են ածխաջրերով, բայց ոչ միայն չեն ավելացնի Ձեզ լրացուցիչ սանտիմետրեր, այլ հակառակը, կօգնեն նիհարել:

  1. Վարսակ (դասական եւ ակնթարթային)

Համարվում է, որ վարսակի մշտական օգտագործումը նվազեցնում է 2 տիպի շաքարային դիաբետի, բարձր արյան ճնշման եւ սրտի հիվանդությունների զարգացման ռիսկը: Բացի այդ, վարսակը օրգանիզմին ապահովում է զգալի քանակությամբ մկանակառուցվածքային սպիտակուցով: Նախապատվությունը պետք է տալ ամենասովորական վարսակի փաթիլներին`առանց շաքարի եւ համային հավելումների: Եթե ցանկանում եք ավելի «հետաքրքիր» համ, պատրաստի շիլային մեղր կամ մրգեր ավելացրեք:

Սննդարար արժեքը. ջրով պատրաստված 1 բաժակը պարունակում է 166 կալորիա, 32 գ ածխաջրեր, 6 գ սպիտակուց, 4 գ բջջանյութ, 4 գ ճարպ, 18 տոկոս սելեն, 68 տոկոս մանգան:

  1. Շագանակագույն բրինձ (միջին չափի)

Չմշակված շագանակագույն բրնձը գրեթե զրոյական աղի պարունակություն ունի, բայց հարուստ է բջջանյութով եւ հիմնական հանքանյութերով: Գրեթե ցանկացած սննդաբան կհամաձայնի, որ շագանակագույն բրնձը սպիտակ բրնձի իդեալական փոխարինողն է:

Սննդարար արժեքը. 1 բաժակ եփած բրինձ՝  218 կալորիա, 46 գ ածխաջրեր, 5 գ սպիտակուցներ, 4 գ բջջանյութ, 2 գ ճարպ, 15 տոկոս վիտամին B6, 21 տոկոս մագնիում, 107 տոկոս մանգան:

  1. Գարի

Գարին հարմար է ոչ միայն ապուրների համար: Գարին կարող եք օգտագործել նախաճաշի ժամանակ: Այս համեղ թելավոր հացահատիկը կարող է կրճատել արյան մեջ շաքարի մակարդակը 44 տոկոսով եւ 14 տոկոսով, եթե ուտում եք ավելի ուշ՝ ընթրիքի ժամանակ:

Սննդարար արժեքը. 1 բաժակը՝  193 կալորիա, 44 գ ածխաջրեր, 6 գ բջջանյութ, 4 գ սպիտակուց, 1 գ ճարպ, 16 տոկոս նիացին, 19 տոկոս սելեն, 20 տոկոս մանգան:

  1. Քինոա

Այս հարավամերիկյան հացահատիկում գրեթե երկու անգամ ավելի շատ սպիտակուցներ կան, քան շագանակագույն բրնձի մեջ: Բացի այդ, այս սպիտակուցներով հարուստ մթերքը պարունակում է սպիտակուցներ, անփոխարինելի ամինաթթուներ, ինչը նրան իրական էլիքսիր է դարձնում մկանների ավելացման համար: Այդ ամբողջ սպիտակուցը բջջանյութի, որոշ առողջարար ճարպերի եւ համեմատաբար փոքր քանակով ածխաջրերի հետ օգնում է երաշխավորել, որ արյան շաքարի մակարդակը չի տատանվի եւ կմնա կայուն:

Սննդային արժեքը. եփված 1 բաժակը՝ 222 կալորիա, 39 գ ածխաջրեր, 8 գ սպիտակուց, 5 գ բջջանյութ, 4 գ ճարպ, 19 տոկոս  ֆոլաթթու, 30 տոկոս մագիում, 58 տոկոս մանգան:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է