• Latest news

Նստակյաց կենսակերպը հղի է Ալցհեյմերի հիվանդության զարգացման վտանգով

18 օգոստոսի, 2018  16:38

Նստակյաց կենսակերպը հղի է Ալցհեյմերի հիվանդության զարգացման վտանգով: Այս մասին է վկայում Ջոն Մուրսի Լիվերպուլյան համալսարանի ասպիրանտ Սոֆի Քարթերի ղեկավարությամբ գիտնականների կատարած հետազոտությունը:

Ըստ Journal of Applied Physiology-ի՝ երկար նստելու դեպքում նվազում է դեպի գլխուղեղ արյան հոսքը, ինչը կարող է մեծացնել այնպիսի հիվանդությունների զարգացման վտանգը, ինչպիսին Ալցհեյմերի հիվանդությունն է:

Հետազոտության ընթացքում համալսարանի գիտնականները վերլուծել են 15 գրասենյակային աշխատողների առողջական վիճակը: Կամավորների վրա ուլտրաձայնային ցուցիչներ են տեղադրել, որոնք հետեւել են արյան հոսքին:

Գիտափորձի առաջին հատվածում կամավորները չորս ժամ անդադար նստած են եղել. բացառություն է արվել միայն զուգարան գնալու դեպքում: Երկրորդ հատվածում նրանք յուրաքանչյուր կես ժամը մեկ երկու րոպե արագ քայլել են վազքուղու վրա, իսկ երրորդ հատվածում յուրաքանչյուր երկու ժամը մեկ 8 րոպե քայլել են:

Պարզվել է, որ արյան հոսքը նվազել է գիտափորձի առաջին եւ վերջին հատվածներում, երբ ակտիվությունը նվազագույնն է եղել կամ մեծ ընդմիջումներով:

Ստացված արդյունքները հաստատում են քայլելու համար տրամադրվող կարճաժամկետ, բայց կանոնավոր դադարների կարեւորությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել