• Latest news

Թաիլանդում ինչո՞ւ է յուրաքանչյուր երկրորդ վանականի մոտ առկա ավելորդ քաշ կամ ճարպակալում

18 օգոստոսի, 2018  19:37

Չնայած Թաիլանդում վանականները քիչ են ուտում, քան մյուս մարդկանց մեծամասնությունը, նրանցից յուրաքանչյուր երկրորդի մոտ առկա է ավելորդ քաշ կամ ճարպակալում, ավելի քան 40 տոկոսի մոտ՝ արյան մեջ խոլեստերինի բարձր մակարդակ, 25 տոկոսի մոտ՝ արյան բարձր ճնշում, յուրաքանչյուր 10-րդի մոտ՝ 2-րդ տիպի դիաբետ: Այսպիսի ցնցող եզրահանգումներ են կատարել Chulalongkorn University-ի գիտնականները:

Վանականների սննդային սովորություններն ուսումնասիրող գիտնականները պարզել են, որ նրանք ավելի քիչ քանակությամբ են կալորիաներ օգտագործում, քան մյուս մարդիկ, սակայն այդ կալորիաների մեծամասնությունը ստանում են էներգետիկ ըմպելիքներից եւ քաղցրեղենից: Վանականներին արգելված է կեսօրից հետո ուտել, եւ էներգիայի մակարդակը պահպանելու համար նրանք քաղցր ըմպելիքներ են խմում:

Վանականները սնունդը աշխարհականներից են ստանում. կարծիք կա, որ ովքեր վանականներին սնունդ են տալիս, նրանց կարման բարելավվում է ինչպես այս կյանքում, այնպես էլ հաջորդ: Մինչդեռ խնդիրն այն է, որ աշխարհականներից շատերը վանականներին են տալիս քաղցր գազավորված ըմպելիքներ, հյութեր, քաղցրեղեն, ինչպես նաեւ պատրաստի ֆաստ ֆուդ, որի մեջ մեծ քանակությամբ ճարպեր ու շաքար է պարունակվում եւ չափազանց քիչ սպիտակուցներ ու բջջանյութ, չհասկանալով, որ դրանով վնասում են վանականներին:

Վանականներն ուտում են այն, ինչ իրենց տալիս են. նրանք չպետք է ունենան սնունդի նախապատվություններ: Ուստի ստացվում է, որ նրանք հաճախ օգտագործում են ոչ առողջ սնունդ, որը նույնիսկ փոքր քանակությամբ բերում է գիրացման:

Թաիլանդի հանրային առողջության դեպարտամենտը մարդկանց է դիմել խնդրանքով՝ վանականներին ավելի առողջ սնունդ տալ, իսկ իրենց՝ վանականներին կոչ է արել աղոթքների եւ մեդիտացիայի միջեւ ընդմիջումներին ֆիզիկական աշխատանքով զբաղվել, օրինակ՝ տաճարը մաքրելով:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է