• Latest news

Ամուսնական վեճերը վնասում են աղիներին. ուսումնասիրություն

20 օգոստոսի, 2018  10:35

Գիտնականները կապ են գտել բացասական ընտանեկան մթնոլորտի եւ աղիների միջեւ: Համապատասխան ուսումնասիրությունն անցկացվել է Օհայո նահանգի Վեքսների Բժշկական կենտրոնի կողմից:

Psychoneuroendocrinology ամսագիրը հայտնում է, որ ամենօրյա ընտանեկան սթրեսը որոշ մարդկանց մոտ կարող  աղիներում բորբոքային պրոցեսների եւ հիվանդությունների սկիզբ դառնալ: Ուսումնասիրությանը 24-ից 61 տարեկան 43 առողջ ամուսնական զույգ է մասնակցել, որոնց ամուսնությունը տեւել է առնվազն երեք տարի:

Փորձի մասնակիցները պատասխանել են իրենց հարաբերություններին վերաբերող հարցերին, ապա ամուսիններն առանձին քննարկել են իրենց այն խնդիրները, որոնց շուրջ անհամաձայնություն է առաջանում: Հարաբերությունների պարզումը տեսագրվել է, ինչը թույլ է տվել գիտնականներին գնահատել բանավոր եւ ոչ բանավոր վարքը, թշնամանքն ու քննադատությունը միմյանց հասցեին: Բացի այդ, հետազոտողները համեմատել են արյան անալիզները, որոնք վերցվել են վեճից առաջ եւ հետո:

Մասնագետները նշում են, որ թշնամանքը վատ ամուսնական կապերի առանձնահատկությունն է: Հանգիստ զույգերի համեմատ՝ հարաբերությունները պարզելու ժամանակ թշնամական վարք ցուցաբերած կանայք եւ տղամարդիկ «թափանցիկ» աղիքի բիոմարկերի՝ լիպոպոլիսախարիդ-կապող սպիտակուցի, ավելի բարձր մակարդակ ունեին:

«Թափանցիկ» աղիները (Leaky Gut) սինդրոմ է, որի դեպքում աղիների լորձաթաղանթը չափազանց խոցելի է դառնում, ինչի հետեւանքով մանրէներն ու տոքսիններն անցնում են աղիքային պատի միջով եւ հայտնվում են արյան մեջ: Արդյունքում, իմունային համակարգը օտար է ճանաչում այդ մոլեկուլներն ու իմունային պատասխան է արտադրում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է