• Latest news

Առավոտյան քնի ավելորդ 5 րոպեն կարող է վտանգավոր լինել առողջության համար. հետազոտություն

21 օգոստոսի, 2018  10:43

Առավոտյան քնի ավելորդ 5-10 րոպեն կարող է վնասակար ազդեցություն ունենալ առողջության վրա: Նման պնդմամբ են հանդես եկել Մեծ Բրիտանիայի Sleep Clinic Services-ի փորձագետները:

Առավոտյան որ ժամին էլ զարթուցիչն աշխատի, շատերը ձգտում են գոնե 5-10 րոպե փակ աչքերով անկողնում մնալ: Համարվում է, որ այդպիսով քնից դեպի արթնացում անցումն ավելի սահուն է: Սակայն այդ րոպեները վնաս են հասցնում օրգանիզմին, պնդում են փորձագետները: Բանն այն է, որ երբ զարթուցիչի զանգից հետո մարդն ուղեղին հրահանգում է եւս մի քանի րոպե հանգստանալ, օրգանիզմում սկսում են արտադրվել հորմոններ, որոնք նրան խորը քնի վիճակի են բերում:

Հենց այդ պահին էլ առաջանում է քնի իներցիա կոչվող ֆենոմենը. տհաճ զգացողություն, որը, կարծես, ասում է, որ մի քանի ժամ շարունակ չեք քնել: Փորձագետներն ընդգծում են, որ քնի սկզբնական ցիկլն այնքան էլ լավ պահ չէ՝ նորից քնելու համար, քանի որ այդ 10 րոպեներն անցել են: Արդյունքում մարդն անկողնուց վեր է կենում կոտրտվածության զգացողությամբ, կարծես ամբողջ գիշեր չի կարողացել քնել, եթե նույնիսկ իրականում շատ լավ է քնել:

«Բանն այն է, որ երբ դուք նորից սեղմում եք «ննջել» կոճակը, ձեր ուղեղն ու մարմինը մոլորության են մատնվում: Առավոտյան զարթուցիչի զանգից եւ արթնանալուց հետո դուք հանկարծ ձեր ուղեղին հրահանգում եք նորից քնի վիճակի վերադառնալ: Երբ դա տեղի է ունենում, դուք գրեթե անմիջապես նորից արթնանում եք: Ուղեղի եւ մարմնի միջեւ անհամաձայնությունն աճում է: Ահա թե ինչու, եթե ձեզ համար կարեւոր է ավելորդ 10 րոպեն, պարզապես զարթուցիչը 10 րոպե ավելի ուշ կարգավորեք, այլ ոչ թե արթնանալուց հետո նորից փակեք աչքերը»,- պարզաբանել են փորձագետները:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է