Տարիքի հետ մարդկանց մեծ մասի մոտ հիմնական անձնային հատկանիշները շարունակում են կայուն մնալ: Այս մասին ասվում է հոգեբանների ուսումնասիրության մեջ, որը հրապարակվել է Journal of Personality and Social Psychology ամսագրում:
Գիտնականները վերլուծել են Project Talent Personality Inventory-ի՝ Լոնգիտյուդային հետազոտության տվյալները, որն առաջին անգամ անցկացվել է 1960 թվականին: Այն ամերիկյան ավագ դպրոցների շուրջ 440 հազար աշակերտի է ընդգրկել, որոնք ուսումնասիրվել են այդ թվում նաեւ էքստրավերսիայի, բարյացակամության, գիտակցության, նյարդայնության եւ փորձի նկատմամբ բաց լինելու տեսանկյունից:
Այս ուսումնասիրությունից ընտրելով 1795 մարդու՝ հոգեբանները վերլուծել են, թե ինչպես է փոխվել նրանց էությունը 50 տարվա ընթացքում. հաշվի են առնվել այնպիսի ցուցանիշներ, ինչպիսիք են կայունությունը խմբում, միջին փոփոխությունները, անհատական տարբերությունները եւ անձնական պրոֆիլի կայունությունը: Գիտնականների ուշադրության կենտրոնում էր այն հարցը՝ ազդու՞մ է արդյոք սեռը կյանքի ընթացքում փոփոխությունների վրա:
Արդյունքում, հոգեբանները եզրակացության են հանգել, որ մարդու անձնային հատկությունները պլաստիկ են, իսկ փոփոխությունները կյանքի ընթացքում կուտակվելու հատկություն ունեն: Այդպես, տարիքի հետ մարդիկ ավելի բարեխիղճ, զգացմունքային առումով կայուն եւ բարյացակամ են դառնում:
Սակայն եթե մարդը դեռահաս տարիքում իր հասակակիցների համեմատ ավելի բարեխիղճ է եղել, ապա այդպիսին կլինի նաեւ տարեց ժամանակ: Ընդ որում, սեռական տարբերություններն այս հարցում էական դեր չեն խաղում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր