• Latest news

Տղամարդը 100 տարի ապրել է քաղցավենիքի հանդեպ սիրո շնորհիվ

17 սեպտեմբերի, 2018  14:32

100 տարեկան անգլիացին պատմել է, որ այդքան երկար ապրել է այն բանի շնորհիվ, որ երբեք չի հրաժարվել աղանդերից: Այս մասին գրում է Somerset County Gazette-ն:

Սոմերսեթ կոմսության Իլմինսթեր քաղաքից Լեսլի Հեյմենը 12 տարեկանից աշխատել է պապի հիմնած ընտանեկան հրուշակագործարանում: Նա մանկուց սիրել է թխվածք ու երբեք չի հրաժարվել դրանից:

Տղամարդը չի աշխատել միայն Երկրորդ աշխարհամարտի ժամանակ: Ծառայության ընթացքում նա երկու անգամ մահից է փրկվել. Իտալիայում Էթնա հրաբխի ժայթքման ժամանակ եւ գերմանացիների կողմից իր տանկի վրա հարձակման հետեւանքով: Անձնակազմից միայն Հեյմենն է ողջ մնացել:

Հարազատները կարծում են, որ Հեյմենը կարողացել է 100 տարի ապրել լավ ախորժակի եւ առողջ քաշի շնորհիվ: «Լեսլին անհավանական ախորժակ ունի: Նա երբեք ոչինչ չի թողնում ափսեի մեջ եւ երբեք չի հրաժարվում աղանդերից»,- նշել է նրա 74-ամյա խորթ աղջիկը՝ Ջենիֆերը: Որդին՝ Թիմն էլ հավելել է, որ տղամարդը ակտիվ կենսակերպ է վարում, մինչեւ հիմա աշխատում է այգում: «Նա ինձնից էլ շատ է ուտում: Չգիտեմ՝ ինչպես է այդ ամենը տեղավորվում նրա ստամոքսում»,- կատակել է նա:

Հեյմենը մինչեւ հիմա իր տանն է ապրում, հարազատներով շրջապատված: Նրա սիրելի ուտեստներն են խնձորի կարկանդակը, բիսկվիթն ու շոկոլադե բրաունին:

Տղամարդը սեպտեմբերի 12-ին 100-ամյա տոնել է ընկերների եւ հարազատների՝ 3 երեխաների, 5 թոռների եւ 10 ծոռների հետ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է