Ի՞նչը կարող է սպորտով զբաղվելու ժամանակ սրտի հանկարծակի կանգի պատճառ դառնալ. այս հարցի պատասխանը տվել են Բերքլիի Քալիֆորնիական համալսարանի գիտնականները, որոնք ուսումնասիրել են հիպերտրոֆիկ կարդիոպաթիայի մեխանիզմը, գրում է MedicalXpress-ը:
Այդ հիվանդության դեպքում, որը գենետիկ է, տեղի է ունենում սրտի ձախ եւ աջ փորոքների պատերի հաստացում: Հիվանդությամբ տառապում է մոլորակի 500 մարդուց մեկը: Նման վիճակը երիտասարդ մարզիկների մոտ արդեն վաղուց համարվում է մահվան պատճառ, որոնք առաջին հայացքից ոչ մի նախաշնան չեն ունեցել: Ավելի բարձր տարիքի հիվանդները մահանում են կանգ առած սրտային անբավարարությունից:
Հետազոտության ընթացքում գիտնականները վերցրել են մարդու սրտի բջիջների, որոնք գենում մուտացիա ունեին, որը կապում է C միոզին սպիտակուցը, եռաչափ կուլտուրաները: Այս գենետիկական թերությունը հաճախ նկատվում է կարդիմիոպաթիա ունեցող հիվանդների մոտ:
Գիտնականները 3D լազերային տպագրություն են կիրառել շարժուն միկրոսկոպիկ պահող կառուցվածք (մոդել) ստեղծելու համար: Միմյանց միացած միոցիտները կարող էին կրճատվել, սեղմելով այն, ինչպես իսկական սրտում:
Գիտնականները նկատել են, որ շեղումներով բջիջները ծանրաբեռնվածույան կամ սթրեսի վիճակում չէին կարողանում ճիշտ կրճատվել, ինչի պատճառով ռիթմը խախտվում էր: Նման բան կատարվում է հիվանդների մոտ, երբ ֆիզիկական ակտիվությունը մեծացնում է սրտի վրա ծանրաբեռնվածությունը եւ առիթմիա է առաջանում:
Նորմալ բջիջներին հաջողվել է արագ հարմարվել սթրեսին: Հետազոտողները համոզված են, որ սրտի հյուսվածքի ավելի ճշգրիտ եւ անսխալ մոդելների ստեղծումը կօգնի հիպերտրոֆիկ կարդիոպաթիայի բուժման ավելի արդյունավետ մեթոդներ գտնել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր