Ռադիոիզոտոպների արտադրության կենտրոնի համար ձեռք բերված Ցիկլոտրոն CYCLONE 18/18-ը կաշխատի արդեն մինչեւ այս տարվա վերջ: Այս ամսվա վերջին արդեն նախատեսվում է այն փորձարկել, եւ եթե ամեն ինչ հարթ ընթանա, ապա մինչեւ տարվա վերջ արագացուցիչը արդեն կսկսվի շահագործվել: Այս մասին լրագրողների հետ զրույցում ասաց Ա. Ալիխանյանի անվան ազգային գիտական լաբորատորիայի (Երեւանի ֆիզիկայի ինստիտուտ) նոր տնօրեն Անի Ապրահամյանը:
Նա հիշեցրեց, որ այս սարքը շատ կարեւոր է Հայաստանի համար, քանի որ այն կարելի է օգտագործել ոչ միայն գիտական հետազոտություններում, այլեւ ախտորոշման եւ անգամ քաղցկեղային հիվանդությունների համար:
Քաղցկեղով հիվանդացությունը, ինչպես նշեց Անի Ապրահամյանն, այսօր ողջ աշխարհում աճում է, բայց Հայաստանում աճում է նաեւ այդ հիվանդություններից մահացությունը:
Դրանում իր դերն ունի նաեւ այն, որ երկրում այս հիվանդության ախտորոշման եւ բուժման ոչ բոլոր ժամանակակից մեթոդներն են մատչելի:
Երբ Ցիկլոտրոնը (ոչ ռելյատիվիստական ծանր լիցքավորված մասնիկների ռեզոնանսային ցիկլային արագացուցիչ) աշխատի, ապա այն հնարավոր կլինի օգտագործել ցանկացած տեսակի քաղցկեղների՝ կրծքի քաղցկեղից մինչեւ շագանակագեղձի քաղցկեղ, ոչ ինվազիվ ախտորոշման համար: Իսկ ապագայում Ցիկլոտրոնի վրա որոշ աշխատանքներ կատարելուց հետո, այն հնարավոր կլինի նաեւ կիրառել որոշ տեսակի քաղցկեղների բուժման համար:
Նման արագացուցիչները, ինչպես նշեց Անի Ապրահամյանը, արդեն կան Թուրքիայում եւ Իրանում, որտեղ դրանք դեռ չեն շահագործվում: Վրաստանում նույնպես կա նման սարքավորում, եւ այն այնտեղ արդեն օգտագործվում է:
Մեծ հարց է՝ արդյոք Հայաստանին պետք էր նման կենտրոն՝ նախարարը ռադիոիզոտոպների կենտրոնի մասին
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր