• Latest news

Ֆիզիկական ակտիվությունը դրական է ազդում հոգեկան առողջության վրա

28 սեպտեմբերի, 2018  10:48

Ֆիզիկական ակտիվությունը դրական է ազդում հոգեկան առողջության վրա: Ամերիկացի գիտնականների հետազոտության համաձայն՝ նույնիսկ տնային գործերի կատարումը կարող է դրական անդրադառնալ մարդու էմոցիոնալ վիճակի վրա:

Հետազոտական խումբը վերլուծել է ավելի քան 1,2 մլն մեծահասակ ամերիկացիների հարցման տվյալները: Կամավորները հայտնել են անցյալ ամիս աշխատանքից դուրս իրենց ֆիզիկական ակտիվության մասին, ինչպես նաեւ պատմել են, թե քանի օրվա ընթացքում են տրամադրության անկում ունեցել սթրեսի, դեպրեսիայի կամ էմոցիոնալ խնդիրների պատճառով:

The Lancet Psychiatry-ի տեղեկություններով՝ փորձարկվողների մոտ ամսական միջինը 3,4 «վատ» օր է եղել: Մինչդեռ նրանց մոտ, ովքեր աշխատանքից դուրս ֆիզիկական ակտիվությանն ուշադրություն են հատկացրել, վատ տրամադրության ցուցանիշները ամսական 1,5 օրով քիչ էին: Իսկ նրանք, ովքեր դեպրեսիա են ունեցել, բայց ֆիզիկապես ակտիվ են եղել, վատ տրամադրությամբ օրերի թիվը կրճատվել է 3,8 օրով:

Ֆիզիկական ծանրաբեռնվածությունների առավել մեծ դրական արդյունք է դիտվել նրանց մոտ, ովքեր 45-ական րոպեով մարզումների են հաճախել շաբաթական 3-5 անգամ: Սակայն դրական ազդեցություն են ունեցել նաեւ զբոսանքները, ինչպես նաեւ տան գործերը կատարելը: Ուշագրավ է, որ տնային հոգսը «վատ» օրերի թիվը 9,7 տոկոսով նվազեցրել է:

Սպորտի թիմային տեսակները վատ տրամադրությամբ օրերի թիվը նվազեցրել են 22 տոկոսով. 21 տոկոսով՝ մարմնամարզությունը, 23 տոկոսով՝ յոգան եւ թայ-չին:

Մինչդեռ, մասնագետների կարծիքով՝ ավելորդ ֆիզիկական ակտիվությունը հակառակ արդյունք ունի, եւ օրական 3 ժամից ավելի մարզումները կարող են ավելացնել ամսական «վատ» օրերի քանակությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է