Քաղցածության զգացում առաջանալիս գլյուկոզայի մակարդակի անկումը կարող է ազդել մարդու տրամադրության վրա: Այս մասին նշված է Գվելֆի համալսարանի (University of Guelph) գիտնականների հետազոտության մեջ:
Մասնագետների կարծիքով՝ գլյուկոզայի մակարդակի փոփոխությունը կարող է տեւական ազդեցություն ունենալ տրամադրության վրա, քանի որ հիպոգլիկեմիան ուժեղ ֆիզիոլոգիական եւ հոգեբանական սթրեսոր է:
Psychopharmacology ամսագրում հրապարակված հետազոտության համաձայն՝ փորձի շրջանակում առնետներին ներարկել են գլյուկոզայի մետաբոլիզմի բլոկատոր, նրանց մոտ հիպոգլիկեմիա առաջացնելով: Կրծողներին տեղավորել են մեկ խցի մեջ, իսկ որոշ ժամանակ անց ներարկել են ջուր եւ տեղավորել երկրորդ խցում:
Ընտրության ժամանակ, թե որ խուց մտնեն, կենդանիներն ակտիվորեն խուսափել են առաջին խցից, որտեղ հիպոգլիկեմիա էին զգացել: Վարքագծի այս տեսակը սթրեսի եւ տագնապայնության, սթրեսային փորձը վերապրելու ցանկություն չունենալու արտահայտություն է:
Ընդ որում՝ հիպոգլիկեմիայից հետո առնետների արյան մեջ հայտնաբերվել է կորտիկոստերոնի զգալի պարունակություն, ինչը վկայում է ֆիզիոլոգիական սթրեսի մասին: Գլյուկոզայի մետաբոլիզմի բլոկատորի ներարկումներն առաջացրել են ալարկոտություն, որն անցել է հակադեպրեսանտներ ընդունելուց հետո: Այս փաստը հաստատում է այն կարծիքը, որ կենդանիները հիպոգլիկեմիայի ժամանակ սթրես եւ վհատ տրամադրություն են ունեցել:
Փորձագետների կարծիքով՝ ստացած արդյունքները կարող են օգտակար լինել դեպրեսիայով եւ տագնապայնությամբ մարդկանց բուժման համար, եթե սննդակարգը նույնպես մտցվի բուժման կուրսի մեջ:
Դրանից բացի, առնետների վրա կատարված փորձի արդյունքները պատկերացում են տալիս դեպրեսիայի եւ այնպիսի հիվանդությունների փոխկապվածության մասին, ինչպիսին են՝ ճարպակալումը, դիաբետը, բուլիմիան եւ անորեքսիան: Հետազոտողները նախատեսում են որոշել, թե քրոնիկական, երկարաժամկետ գլիկեմիան արդյոք դեպրեսիվ վարքագծի զարգացման ռիսկի գործոն է:
Այսպես, եթե մարդը վատ է սնվում, նա կարող է տրամադրության անկում ունենալ, ինչի հետեւանքով նրա մոտ կարող է ախորժակի նվազում զարգանալ: Եթե մարդը պարբերաբար բաց է թողնում սնունդի ընդունումը եւ պարբերաբար այս սթրեսորն է զգում, ապա օրգանիզմի պատասխան ռեակցիան երկարաժամկետ հեռանկարում կարող է ազդել էմոցիոնալ վարքագծի վրա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր