«Հեղուկ վիագրայի»՝ սիլդենաֆիլի ցիտրատի ընդունումը լրջորեն ազդել է Նյու Յորքի 31-ամյա բնակչի տեսողության վրա: Վերջինիս անունը էթիկական պատկերացումներից չի հաղորդվում:
Արտասահմանյան լրատվամիջոցները հաղորդում են, որ նորման գերազանցող չափերով վիագրան ընդունելուց հետո տղամարդու՝ աշխարհի գունային ընկալումը փոխվել է: Տուժողը ընդունել է սիլդենաֆիլ, այսինքն՝ վիագրայի ակտիվ բաղադրիչ, որը նա գնել էր համացանցում:
Համացանցում հեղուկ սիլդենաֆիլի ցիտրատը ներկայացվում է որպես արագ ազդեցություն եւ նվազագույն կողմնակի էֆեկտներ ունեցող դեղամիջոց: Այն պաշտոնապես վիագրա ապրանքանիշի տակ չի վաճառվում:
Իմպոտենցիայով տառապող երիտասարդ տղամարդը բուժում է ստացել Mount Sinai բժշկության դպրոցում: Նա ընդունել է խորհուրդ տրվող 50 մգ-ից շատ ավելի «հեղուկ վիագրա», ինչի հետեւանքով մի քանի օր նրա մոտ ցանցաթաղանթի ֆիզիկական վնասվաածքներ են զարգացել: Տուժողի խոսքով՝ նա շրջակա աշխարհը հիմնականում տեսնում է կարմիր գույներով:
Բժիշկները նշում են, որ դեղը չարաշահելու պատճառով տղամարդու մոտ ախտորոշվել է տեսողության անշրջելի վնասում: Դա նշանակում է, որ տեսողության խանգարումը մինչեւ կյանքի վերջ կլինի:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր