• Latest news

Գիտնականները հերքել են կարծիքը, որ «վատ» խոլեստերինը սիրտ-անոթային հիվանդություններ է առաջացնում

5 հոկտեմբերի, 2018  18:13

Գիտնականները հերքել են կարծիքը, որ «վատ» խոլեստերինը (ցածր խտության լիպոպրոտեինները) սիրտ-անոթային հիվանդություններ է առաջացնում: Հետազոտությանը ներգրավվել են 17 սրտաբաններ աշխարհի տարբեր երկրներից, այդ թվում՝ ԱՄՆ-ից, Շվեդիայից, Մեծ Բրիտանիայից, Իտալիայից, Իռլանդիայից եւ Ֆրանսիայից:

Ինչպես հայտնում է Expert Review of Clinical Pharmacology-ն, հետազոտության շրջանակում վերլուծվել են 1,3 մլն հիվանդների տվյալները: Արդյունքում մասնագետները հանգել են այն եզրակացության, որ սիրտ-անոթային հիվանդությունների եւ ցածր խտության լիպոպրոտեինների փոխկապվածության մասին հայտարարությունները հիմնված են մոլորության մատնող վիճակագրության եւ հակասական դիտարկումների անտեսման վրա:

Դրանից բացի, գիտնականները կասկածի են ենթարկում ստատինների կիրառումը որպես սիրտ-անոթային հիվանդությունների կանխման հիմնական միջոց: Հետազոտության հեղինակները վստահ են, որ ստատինների առավելությունների ցուցադրման համար օգտագործված վիճակագրական մոտեցումը իրականում մոլորության մեջ է գցել:

Մատնացույց են արվում նաեւ ստատինների ընդունման ոչ ակնհայտ առավելությունները եւ ծանր կողմնակի էֆեկտները: 2000-2012 թվականներին 12 եվրոպական երկրներում տվյալների վերլուծությունը ցույց է տվել ստատինների ընդունման եւ մահացության կրճատման փոխկապվածության բացակայությունը:

Սրա հետ կապված փորձագետները կլինիկաների բժիշկներին կոչ են անում հրաժարվել ստատինների եւ PCSK9 ինհիբիտորների օգտագործումից:

Հետազոտության արդյունքները վկայում են այն մասին, որ սրտի սուր կաթվածով հիվանդների մոտ ցածր խտության լիպոպրոտեինների մակարդակը նորմայից ցածր է եղել: Սակայն «վատ» խոլեստերինի ցածր մակարդակով առողջ մարդկանց մոտ զգալիորեն բարձր է ինֆեկցիոն հիվանդությունների եւ քաղցկեղի հավանականությունը:

Հետաքրքիր է եւս մեկ փաստ. ցածր խտության լիպոպրոտեինների բարձր մակարդակով տարեցները բոլորից ավելի երկար են ապրում: Ստացվում է, որ «վատ» խոլեստերինի բարձր մակարդակը կյանքի ընդհանուր տեւողության տեսանկյունից օգտակար է:

Ինչ վերաբերում է սիրտ-անոթային հիվանդությունների կանխարգելմանը, ապա խորհուրդ է տրվում հետեւել քաշի նվազեցման ցածրածխաջրային սննդակարգին:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է