• Latest news

Գիտնականներն արյան անալիզի համար թղթե թեստ են մշակել

5 հոկտեմբերի, 2018  21:07

Հոլանդացի եւ ճապոնացի գիտնականները մշակել են արյան անալիզի թղթե թեստ, որի շնորհիվ կարելի է 20 րոպեում պարզել մարդու մոտ ինֆեկցիոն հիվանդության առկայությունը:

Ինչպես հայտնում է Angewandte Chemie-ը, թեստը արդյունքը փոխանցում է՝ հիմնվելով արյան մեջ հակամարմինների վրա: Անալիզի համար բավական է մեկ կաթիլ արյուն կաթեցնել թղթե թեստի վրա, ապա 20 րոպե հետո թուղթը շրջել եւ նայել երեք լուսարձակող բծերի գույնին, որոնցից յուրաքանչյուրը պատասխանատու է որոշակի հիվանդության համար:

Թղթե թեստի հակառակ կողմը կապտականաչ լույս է արձակում բիոքիմիական ռեակցիայի շնորհիվ, ընդ որում՝ որքան կապույտ լույսն արտահայտված է, այնքան արյան մեջ հակամարմինների խտությունը բարձր է: Առողջ մարդու մոտ թեստը կլուսավորվի կանաչ լույսով:

Հետազոտության ընթացքում թեստը փորձարկումները հաջողությամբ է անցել: Ախտորոշման ճշգրտության ստուգման համար օգտագործվել է ՄԻԱՎ-ով, գրիպով եւ դենգե տենդով անձանց արյունը: Գիտնականները հույս ունեն, որ իրենց մշակումը հնարավոր կլինի օգտագործել թանկարժեք լաբորատոր սարքերին սահմանափակ հասանելությամբ զարգացող երկրներում:

Բացառված չէ, որ մի քանի տարվա ընթացքում թղթե թեստը կարող է ազատ վաճառվել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է