• Latest news

Քաշի տատանումները կարող են մեծացնել սրտի եւ գլխուղեղի կաթվածի հավանականությունը

6 հոկտեմբերի, 2018  13:42

Քաշի տատանումները կարող են մեծացնել սրտի ու գլխուղեղի կաթվածի եւ վաղաժամ մահվան հավանականությունը, նշված է Հարավային Կորեայից գիտնականների հետազոտության մեջ, որը հրապարակվել է Circulation-ում:

Բացասական գործոնների թվում նշվում են նաեւ արյան ճնշման, խոլեստերինի եւ արյան մեջ շաքարի մակարդակի տատանումները: Հետազոտության շրջանակում վերլուծվել են ավելի քան 6,7 մլն մարդու տվյալները, որոնց հիվանդության պատմության մեջ առկա չէին սրտի կաթված, դիաբետ, արյան բարձր ճնշում կամ խոլեստերինի բարձր մակարդակ: Տեղեկությունները հավաքվել են 2005-2012 թվականներին կորեական Բժշկական ապահովագրության ազգային համակարգի շրջանակում:

Հետազոտության մեջ ներգրավված բոլոր մարդկանց հետազոտել են 3 անգամից ոչ պակաս. կշռել են, սոված վիճակում չափել արյան մեջ շաքարի մակարդակը, սիստոլիկ արյան ճնշումը եւ ընդհանուր խոլեստերինը:

Դիտարկման ժամանակահատվածում գրեթե 55 հազար մահ է գրանցվել, 22 հազարից ավելի գլխուղեղի կաթված եւ 21 հազարից ավելի սրտի կաթված:

Գիտնականները եկել են այն եզրակացության, որ մետաբոլիկ ռիսկի գործոնների ուժգին տատանումները այս կամ այն կողմ մեծացրել են վաղաժամ մահվան հավանականությունը: Ընդ որում՝ վաղաժամ մահվան հավանականությունը մեծացել է 127 տոկոսով, սրտի կամ գլխուղեղի կաթվածից՝ 40 տոկոսով:

Քանի որ հետազոտությունը դիտարկման բնույթ է ունեցել, մետաբոլիկ ռիսկի գործոնների անկայունության եւ սրտի ու գլխուղեղի կաթվածի կամ վաղաժամ մահվան միջեւ պատճառահետեւանքային կապի ապացույցները բացակայում են:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է