• Latest news

Բժիշկները հիվանդի աչքից հանել են 15-սանտիմետրանոց որդ (տեսանյութ)

13 հոկտեմբերի, 2018  12:05

Նախազգուշացում. Հոլովակը ոմանց կարող է տհաճ կամ սարսափելի թվալ:

Հնսկաստանից 60-ամյա հիվանդը Քունդափուր քաղաքի New Medical Centre հիվանդանոց էր դիմել աչքի ցավով եւ քորով: Բժիշկները զարմանքով նրա աչքի մեջ հայտնաբերել էին Wuchereria Bancrofti տեսակի 15-սանտիմետրանոց որդ:

Բժիշկների տարածած հոլովակում երեւում է, թե նրանք հիվանդի աչքից, ում անունը չի հրապարակվում, ինչպես են հանում երկար սպիտակ որդը:

«Ամենադժվարը որդին ողջ դուրս բերելն էր, քանի որ եթե մենք նրան սպանեինք հիվանդի աչքի մեջ, դա բարդություններ կառաջացներ»,- ասել է բժիշկ Շիքանթ Շեթթին:

Հետագա անալիզները ցույց են տվել, որ հիվանդի արյան մեջ նույնպես այդպիսի որդեր կային եւ հնարավոր է՝ հենց արյան միջով էին ընկել նրա աչքի մեջ: Նրան տվել են հակամակաբուծային դեղամիջոցներ:

Մարդը կարող է որդի այս տեսակով վարակվել մոծակի խայթոցի միջոցով: Բժիշկների խոսքով՝ եթե որդը հիվանդի աչքի մեջ ավելի երկար մնար, ապա կարող էր նրա տեսողությանը լուրջ վնաս հասցնել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել