• Latest news

Մարդու քաշի վրա ազդող 3 գործոն

15 հոկտեմբերի, 2018  16:16

Քաշի պահպանումը ոչ միշտ է կախված կամքի ուժից. կան նաեւ այլ գործոններ, որոնք ազդում են քաշի եւ նրա տատանումների վրա:

Հորմոններ

Մարդու ախորժակը կախված է հորմոններից, որոնք արտադրվում են նրա օրգանիզմում: Որոշ հորմոնների ավելցուկը կարող է բերել նրան, որ մարդն ամբողջ ժամանակ իրեն շատ քաղցած կզգա, կշտանալու նրա ունակությունը շատ ցածր կլինի: Կանանցից շատերն են հավանաբար նկատել, որ դաշտանային ցիկլի տարբեր օրերին իրենց ախորժակը տարբեր է. դրա մեղավորը նույնպես հորմոններն են:

Խնդիրն այն է, որ գոյություն չունի հորմոնալ ֆոնի վրա ազդելու լիակատար անվտանգ միջոց: Բայց եթե ձեզ թվում է, որ հորմոնալ համակարգի խնդիր ունեք, անպայման բժշկի դիմեք: Նաեւ սովորեք սթրեսներին չտրվել եւ կանոնավոր կերպով լիարժեք քնել, որոշ դեպքերում խորհուրդ է տրվում նաեւ սպորտով զբաղվել:

Աղիների միկրոֆլորա

Ընդհանրապես մարդու առողջական վիճակը եւ մասնավորապես նրա քաշը կախված է նաեւ նրա աղիներում ապրող միկրոօրգանիզմներից, եւ վերջին շրջանում այս տեսության օգտին ավելի ու ավելի շատ փաստեր են հայտնվում: Գիտնականների խոսքով՝ միկրոբիոմը որքան բազմազան է եւ ավելի «առողջ», այնքան ցածր է ավելրդ քաշ հավաքելու հավանականությունը եւ հակառակը:

Աղիների միկրոֆլորան նորմայում պահպանելու համար խորհուրդ է տրվում բջջանյութով հարուստ սննդամթերք գործածել (փաթիլներ, հատիկավոր բույսեր, մրգեր, բանջարեղեն եւ ընկուզեղեն):

Գեներ

Հաճախ գենետիկան է որոշում որոշակի սննդային բաղադրամասերի հանդեպ զգայունությունը, ուտելիքի նախապատվությունները, ախորժակը եւ մարմնում ճարպային շերտերի մեխանիզմը: Եթե գեներում ինչ-որ խախտումներմ, մուտացիաներ կան, ճարպային հյուսվածքի աճը կարող է անոմալ ձեւեր ընդունել: Սակայն ավելրոդ քաշի մեջ գեներին «մեղադրելը» սխալ է. դեպքերի գերակշիռ մասում ճարպակալման պատճառն ամենեւին գեները չեն, այլ մարդու կենսակերպը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է