• Latest news

Մեծահասակների համար ֆիլմերի դերասանները տառապում են սեքսուալ խանգարումներով. հետազոտություն

16 հոկտեմբերի, 2018  23:46

Մեծահասակների համար ֆիլմերի դերասանները տառապում են սեքսուալ խանգարումներով: Իր հետազոտությունների ընթացքում նման եզրակացության է հանգել Մայամիի համալսարանից ուրոլոգ  Ջասթին Դուբինը:

Առաջին հետազոտության արդյունքները հրապարակվել են այս տարվա ապրիլին Ամերիկյան նեւրոլոգիական ասոցիացիայի (American Neurological Association) The Journal of Urology ամսագրում: Դրան մասնակցել է 28-ից մինչեւ 45 տարեկան 100 պոռնոդերասան, ընդ որում՝ նրանցից ավելի քան մեկ երրորդը կլինիկական էրեկտիլ դիսֆունկցիա ուներ: Դրանից բացի, 69 տոկոսը հատուկ հաբեր է գործածել աշխատելիս, իսկ 58 տոկոսը՝ ինչպես աշխատելիս, այնպես էլ անձնական պատճառներով: Պարզվել է, որ Վիագրայի տիպի հաբեր սպառողների մեծամասնությունը (84 տոկոսը) 20-29 տարեկան երիտասարդ տղամարդիկ էին:

Երկրորդ հետազոտությունը ներկայացվել է հոկտեմբերին Ամերիկյան վերարտադրողական բժշկության միության (American Society for Reproductive Medicine) գիտաժողովում: Հետազոտությանը ներգրավվել էր 100 պոռնոդերասանուհի, որոնց միջին տարիքը կազմել է 34 տարեկան: Նրանցից 24 տոկոսի մոտ ախտորոշվել է սեքսուալ դիսֆունկցիա (սեքսի ժամանակ ցավ, ցածր լիբիդո եւ օրգազմի հետ կապված դժվարություններ):

Ջասթին Դուբինը նշում է, որ եթե էրեկտիլ դիսֆունկցիան, որպես կանոն, մեծահասակների համար կինոյում աշխատանքի հետեւանքով է լինում, ապա կանանց մոտ սեքսուալ դիսֆունկցիայի զարգացման դեպքում պատճառները կարող են տարբեր լինել:

Free Speech Coalition-ի (ԱՄՆ-ում պոռոնոգրաֆիայի ինդուստրիայի եւ մեծահասակների համար զվարճությունների շահույթ չհետապնդող առեւտրային ասոցիացիա) կապերի հարցերով տնօրեն Մայքլ Սթեբլին այս հետազոտությունները լավ նախաձեռնություն է համարել, քանի որ «ինդուստրիան կախված է կատարողներից, եւ մենք գիտենք, որ առավել առողջ կատարողներն իրենց աշխատանքն ավելի լավ կարող են կատարել»:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել