• Latest news

«Սա մեր համբերության չարաշահում է». Ստոմատոլոգների խնդիրները դեռեւս չեն լուծվել

17 հոկտեմբերի, 2018  17:02

Արդեն շատ ամիսներ է՝ Հայաստանի ստոմատոլոգները խոսում են վճարվող հարկերի եւ ստացվող եկամուտների անհամարժեքության խնդրի մասին: Նրանց խնդիրը դեռեւս չի լուծվել, եւ այսօր՝ հոկտեմբերի 17-ին, մի խումբ ստոմատոլոգներ հավաքվել էին Ֆինանսների նախարարության շենքի դիմաց՝ հասկանալու համար, թե ինչու են իրենց անտեսում:

«Կոնստրուկտիվ ստոմատոլոգիա» ՀԿ ղեկավար, վիրաբույժ-ստոմատոլոգ Հովհաննես Գեւորգյանը NEWS.am Medicine-ի թղթակցի հետ զրույցում նշեց, որ երկար պայքարից հետո գործընկերներով դիմել են վարչապետ Նիկոլ Փաշինյանին, որը Ֆինանսների նախարարությանը հանձնարարել էր այս հարցով զբաղվել: Մինչդեռ արդեն բավականին շատ ժամանակ է անցել, սակայն նախարարությունից ոչ մեկը ստոմատոլոգների հետ կապ չի հաստատել՝ իրենց խնդիրները քննարկելու համար:

«Արդեն անհնար է սպասել, սա արդեն մեր համբերության չարաշահում է, սա անընդունելի է: Մենք այսօր եկել ենք, որ հասկանանք՝ ինչու մեզ չեն զանգահարում, որ մեզ հետ հանդիպեն, ինչու մեզ չեն պատասխանում»,- նշեց Հովհաննես Գեւորգյանը:

Հիշեցնենք, որ Հայաստանի ստոմատոլոգները պնդում են, որ իրենցից յուրաքանչյուր բազկաթոռի համար (80 000 դրամ) հարկ եւ եկամտահարկ պահանջելը սխալ է: Ավելին՝ էլեկտրոնային առողջապահության ներդրումը ավելի է բարդացնում ստոմատոլոգների կյանքը եւ հանգեցնում լրացուցիչ ծախսերի ու խնդիրների:

Ստոմատոլոգները կցանկանային, որ միայն մեկ հարկ վճարեին, այլ ոչ թե մի քանի տարբեր հարկեր, որպեսզի կարողանային հեշտ աշխատել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է