• Latest news

Արսեն Թորոսյանը «Սուրբ Գրիգոր Լուսավորիչ» ԲԿ-ում բալոնի պայթյուն մեջ «իր մարդու» մեղքը չի տեսնում

18 հոկտեմբերի, 2018  16:58

Առողջապահության նախարարի պաշտոնակատար Արսեն Թորոսյանը «Սուրբ Գրիգոր Լուսավորիչ» ԲԿ տնօրենի պաշտոնակատար Արման Հովակիմյանի մեղքը չի տեսնում սեպտեմբերի 25-ին հիվանդանոցի տարածքում թթվածնային կայանում բալոնի պայթյունի մեջ: Միաժամանակ, նշենք, որ լրատվամիջոցներում տարածվող տեղեկությունների համաձայն՝ Հովակիմյանը մտնում է Թորոսյանի մերձավոր շրջապատի մեջ:

Հիշեցնենք, որ պայթյունի հետեւանքով մահացել էր բալոնները լիցքավորող երիտասարդ տեխնիկը: Պատահարի փաստով քրեական գործ է հարուցվել Հայաստանի Քրեական օրենսգրքի 157-րդ հոդվածի 2-րդ մասով (աշխատանքի անվտանգության պահպանման կանոնների խախտում, որն անզգուշորեն առաջացրել է տուժողի մահը):

Թորոսյանը հոկտեմբերի 18-ին լրագրողների հետ զրույցում հայտնեց, որ գործը քննության փուլում է:

«Մեղավորները կենթարկվեն վարչական եւ քրեական պատասխանատվության: Այս դեպքում սխալը կատարել էր աշխատակիցը, որը պետք է հետեւեր անվտանգության կանոններին: Եթե պարզվի, որ դա պետք է վերահսկեին համապատասխան պաշտոնատար անձինք, եւ նրանց գործողություններում խախտում կհայտնաբերվի, ապա նրանք նույնպես պատասխանատվություն կկրեն»,- նշեց նախարարի պաշտոնակատարը:

Խոսելով այն մասին, որ պայթած բալոնը հիվանդանոցին չի պատկանել, Թորոսյանը հայտարարեց, որ անձամբ ինքը դրսից բալոնը բերելու հարցում տնօրենի դերը չի տեսնում: «Տնօրենը համակարգում է ընդհանուր աշխատանքային գործընթացը, եւ չի կարող միաժամանակ գտնվել հիվանդանոցի յուրաքանչյուր կետում»,- նշեց նա:

Նրա խոսքով՝ ԱԻՆ ներկայացուցիչները թթվածնային բալոնների լիցքավորման մասնագիտացված արտադրամասերում անցկացնում են տեխնիկական պահանջներին եւ պայմաններին նրանց գործունեության համապատասխանության ստուգումներ:

Ինչպես հայտնել են լրատվամիջոցները, վկայակոչելով «Սուրբ Գրիգոր Լուսավորիչ» ԲԿ տնօրենի պաշտոնակատար Արման Հովակիմյանին, թթվածնային կայանի տնօրենը պետք է ազատվելու դիմում գրեր: Դրանից բացի, Հովակիմյանը հաստատել է տեղեկություններն այն մասին, որ կայանի ինժեներներից մեկը աշխատանքից ազատվել է, քանի որ աշախատանքի էր գալիս ամիսը 1-2 անգամ, եւ երկու ինժեների կարիք չկար:

Ավելի վաղ ուրոլոգ, առողջապահության կազմակերպիչ Գեւորգ Գրիգորյանը նշել էր, որ բալոնի պայթյունի հետ կապված ողբերգական պատահարը անվտանգության կանոնների կոպիտ խախտման հետեւանք է եւ ոչ բանիմաց վերահսկողության արդյունք: Նրա խոսքով՝ նոր իշխանությունների օրոք առողջապահության ոլորտում հաճախ տեղ ունի գործերի ոչ բանիմաց վարումը եւ ոչ բանիմաց կադրերի նշանակումը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է