Հոկտեմբերի 19-ին եւ 20-ին Երկրագնդի բնակիչներին մագնիսական փոթորիկ է սպասում: Այն այսօր թույլ կլինի, վաղը, մասնագետների կանխատեսումներով, կուժգնանա:
Մարդու առողջության եւ ինքնազգացողության վրա մագնիսական փոթորիկների ազդեցության լուրջ հետազոտություններ չկան, սակայն կարծիք կա, որ երկրամագնիսական տատանումների օրերին որոշ մարդիկ կարող են իրենց վատ զգալ: Այսօր եւ վաղը որոշ մարդիկ կարող են ունենալ գլխապտույտ, քնկոտություն կամ անքնություն, սրտի զարկերի հաճախացում, հոգնածություն, հիշողության եւ ուշադրության նվազում: Ոմանց մոտ կարող են նաեւ սրվել քրոնիկական հիվանդությունները եւ բարձրանա զարկերակային ճնշումը:
Կարծիք կա, որ մագնիսական փոթորիները մյուսների մոտ կարող են առաջացնել հոգեզգայական վիճակի վատթարացում. մարդկանց մոտ կարող է առանց պատճառի տագնապ, անհանգստություն, գրգռվածություն կամ ապատիա, դեպրեսիվ վիճակ եւ լալկանություն առաջանալ:
Մասնագետները խորհուրդ են տալիս հոկտեմբերի 19-ին եւ 20-ին ավելի շատ ջուր խմել, նվազեցնել աղի գործածումը, որն օրգանիզմում ջուրը զսպում է: Ցանկալի է սննդակարգից բացառել յուղոտ եւ աղի կերակուրները, նախապատվությունը տալ օգտակար մթերքներին, այդ թվում՝ մրգերին, բանջարեղենին եւ հատիկաբույսերին:
Դրանից բացի, խորհուրդ է տրվում հետեւել քնին՝ ցանակալի է 8 ժամից պակաս չքնել, խուսափել ծանր աշխատանքից եւ ավելի շատ հանգստանալ: Այս օրերին ցանկալի է խուսափել ակտիվ եւ ծանրաբեռնված մարզումներից:
Մագնիսական հաջորդ հզոր փոթորիկը սպասվում է նոյեմբերի 3-ին:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր