• Latest news

Երեւանում ընթանում է II Միջազգային մաշկավեներաբանական գիտագործնական գիտաժողովը

22 հոկտեմբերի, 2018  13:24

Երեւանում հոկտեմբերի 22-ին մեկնարկեց II Միջազգային մաշկավեներաբանական գիտագործնական գիտաժողովը: Գիտաժողովի աշխատանքին մասնակցում են Երեւանից եւ մարզերից 100-ից ավելի մաշկաբաններ եւ կոսմետոլոգներ:

Գիտաժողովի նախագահ եւ Մաշկաբանության ու սեռական ճանապարհհով փոխանցվող ինֆեկցիաների գիտաբժշկական կենտրոնի ղեկավար Միքայել Սահակյանը NEWS.am Medicine-ի հետ զրույցում նշեց, որ միջոցառումը հատուկ նշանակություն ունի հայ եւ արտասահմանցի մասնագետների միջեւ փորձի փոխանակման տեսակետից: Նա հատուկ ուշադրություն դարձրեց այն փաստին, որ գիտաժողովի շրջանակում ելույթ են ունենալու աշխարհի տարբեր երկրներից 9 պրոֆեսորներ:

Միջոցառումը կունենա նաեւ գործնական բնույթ. հոկտեմբերի 23-ին պրոֆեսոր Ալեքսեյ Գետմանը (Ռուսաստան) թրենինգ կանցկացնի դերմատոսկոպիայի եւ մաշկի նորագոյացությունների անալիզի թեմայով: Սահակյանը շեշտեց, որ այս թրենինգը տեղացի մասնագետների համար մեծ հետաքրքրություն է ներկայացնում՝ հաշվի առնելով այն, որ դերմատոսկոպիան մաշկային հիվանդությունների ախտորոշման ժամանակակից մեթոդ է: Ինչպես նշվեց, ավելի քան երկու տարի է՝ դերմատոսկոպիան կիրառվում է նաեւ Հայաստանում՝ Մաշկաբանության ու սեռական ճանապարհով փոխանցվող ինֆեկցիաների գիտաբժշկական կենտրոնում:

Հավելենք, որ II Միջազգային մաշկավեներաբանական գիտագործնական գիտաժողովի շրջանակում զեկույցներով հանդես կգան մասնագետներ Հայաստանից, Վրաստանից, Ռուսաստանից, Ուկրաինայից եւ Էստոնիայից:

Գիտաժողովի կազմակերպիչներն են Մաշկաբանության ու սեռական ճանապարհհով փոխանցվող ինֆեկցիաների գիտաբժշկական կենտրոնը եւ Մաշկավեներաբանների հայկական ասոցիացիան:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է