• Latest news

Տավուշում օստեոպորոզի ախտորոշման համար կտեղադրվի ոսկրի դենսիտոմետր. Ջոն Բիլեզիկյան

24 հոկտեմբերի, 2018  19:45

Տավուշի մարզում օստեոպորոզի ախտորոշման համար կտեղադրվի ոսկրի դենսիտոմետր: Այս մասին NEWS.am Medicine-ի հետ զրույցում հայտնեց Կոլումբիայի համալսարանի պրոֆեսոր Ջոն Բիլեզիկյանը:

Դենսիտոմետրիան ոսկրային հյուսվածքի հանքանյութային ամրության որոշման ոչ ինվազիվ մեթոդ է: Բիլեզիկյանի ջանքերով Հայաստանի մայրաքաղաքը եւ մարզերը, ինչպես նաեւ Ստեփանակերտը զինվել են ոսկրային դենսիտոմետրերով: Պրոֆեսորը տեղեկացրեց, որ այսօրվա դրությամբ Հայաստանում հաջողությամբ գործում են այդպիսի 14 սարք, ինչը բնակչության մեկ շնչին բաժին հասնող դենսիտոմետրերի թվով հանրապետությունը տարածաշրջանում առաջատար է դարձնում:

Երկրի միակ մարզը, որտեղ դենսիտոմետրիա անցկացնելու հնարավորություններ չկան, Տավուշն է: Բիլեզիկյանի խոսքով, սակայն, 2019 թվականին այս հարցը կլուծվի: «Ես հույս ունեմ, որ մյուս տարվա ամռանից աշուն ժամանակահատվածում դենսիտոմետր կտեղադրվի Տավուշի հիվանդանոցներից մեկում, որի անունը հիմա չէի ցանկանա հրապարակել»,- հայտնեց պրոֆեսորը:

Բիլեզիկյանը նշեց, որ տարեցները՝ կանայք 65 տարեկանից հետո եւ տղամարդիկ 70 տարեկանից հետո պետք է պարտադիր դենսիտոմետրիա անցնեն օստեոպորոզի վաղ հայտնաբերման համար: Նա ընդգծեց, որ օստեոպորոզը XXI դարի ամենավտանգավոր հիվանդություններից մեկն է: Այսպես՝ միայն ԱՄՆ-ում 50-ն անց կանանց 30 տոկոսն ունի ողնաշարի կոտրվածքի պոտենցիալ հավանականություն:

Օստեոպորոզի զարգացման վրա ազդող բացասական գործոնների թվում են օրգանիզմում կալցիումի եւ D վիտամինի դեֆիցիտը: «Ապացույցներ չկան, որ կալցիում պարունակող սննդային հավելումներն առողջության համար վտանգավոր են»,- հայտնեց նա: Բիլեզիկյանի խոսքով՝ օրգանիզմում D վիտամինի դեֆիցիտն այնքան տարածված երեւույթ է, որ արդեն գլոբալ մասշտաբի խնդիր է:

Օստեոպորոզի զարգացման վրա ազդում է նաեւ ֆիզիկական ակտիվության բացակայությունը: «Ֆիզիկական ակտիվությունը կարեւոր է հատկապես վաղ տարիքում, քանի որ մեծացնում է երեխաների ոսկորների ամրությունը»,- տեղեկացրեց պրոֆեսորը: Ինչ վերաբերում է մեծահասակներին, ապա նրանց դեպքում ֆիզիկական ծանրաբեռնվածությունները դրական են ազդում ոսկրային համակարգի վրա:

Օստեոպորոզի կանխարգելման համար կարեւոր դերակատարում ունի առողջ կենսակերպը: Խոսքը, մասնավորապես, ալկոհոլի չափավոր օգտագործման եւ ծխելուց հրաժարվելու մասին է: Բիլեզիկյանը սրա հետ կապված չհապաղեց նշել, որ Հայաստանում ծխող մարդիկ մեծ թիվ են կազմում: «Ես տեսնում եմ, որ Հայաստանում շատ են ծխում: Սա անընդունելի է»,- շեշտեց պրոֆեսորը:

Երեւանում հոկտեմբերի 24-ին անցկացվել է օստեոպորոզի հարցերով XII ամենամյա միջազգային սիմպոզիումը, որի շրջանակում զեկույցներով հանդես են եկել առաջատար մասնագետներ Հայաստանից, Ռուսաստանից, ԱՄՆ-ից եւ Շվեյցարիայից: Միջոցառման նպատակն է օստեոպորոզի կանխագելման եւ բուժման ժամանակակից մեթոդների հետ տեղացի բժիշկներին ծանոթացնելը:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է