• Latest news

Վիրաբույժը հեռացրել առողջ երիկամը՝ այն քաղցկեղային ուռուցքի հետ շփոթելով

5 նոյեմբերի, 2018  16:43

ԱՄՆ Ֆլորիդա նահանգից վիրաբույժը սխալմամբ հեռացրել է 53-ամյա կնոջ առողջ երիկամը՝ այն քաղցկեղային ուռուցքի հետ շփոթելով:

Մաուրինո Պաչեկոն մի քանի տարի տառապում էր մեջքի ցավերի պատճառով, որոնք սկսվել էին ճանապարհային պատահարից հետո: 2016 թվականի ապրիլին, վերջապես, որոշել է բժշկի դիմել: Նա ընտրել է Wellington Regional Medical Center in Wellington բժշկական կենտրոնը եւ բժիշկ Ռամոն Վասքեսին, որը մեծ ստաժով վիրաբույժ է:

Նա կնոջն առաջարկել է վնասված տեղում ոսկորները «սոսնձել»: Վասքեսն ինքը պետք է կատարեր վիրահատության առաջին մասը, իսկ ոսկորներով պետք է զբաղվեին վիրաբույժ-օրթոպեդներ Ջոն Բրիթը եւ Ջեֆրի Կագլերը: Սակայն կնոջ կոնքում տարօրինակ գոյացություն տեսնելով եւ այն քաղցկեղային ուռուցք համարելով՝ բժիշկ Վասքեսը որոշել է այն հեռացնել մինչեւ հիվանդով կզբաղվեին օրթոպեդները:

Ինչպես պարզվել է հետո, Վասքեսը վիրահատությունից առաջ չի նայել հիվանդի ՄՌՏ պատկերները, որոնցում հստակ երեւում էր, որ երիկամներից մեկն այնտեղ չէր տեղադրված, որտեղ պետք է լինի. հազվագյուտ, բայց կյանքին եւ առողջությանը չսպառնացող բնածին արատի պատճառով երիկամը գտնվում էր հիվանդ կնոջ կոնքում:

Երբ Մաուրին Պաչեկոն անեսթեզիայից հետո արթնացել է, նրան հայտնել են, որ վիրահատության ժամանակ բժիշկը սխալմամբ հեռացրել է նրա առողջ երիկամը: Այս սկանդալային գործով դատավարությունը տեւել է ամբողջ 2 տարի: Միայն ընթացիկ տարվա սեպտեմբերին է կինը ստացել 500 հազար դոլարի փոխհատուցում: Իհարկե, նա հիմա պետք է ապրի մեկ երիկամով, եւ ոչ մի փոխհատուցում դա չի շտկի:

Հետաքրքիր է, որ նրան փոխհատուցումը վճարել են օրթոպեդներ Ջոն Բրիթը եւ Ջեֆրի Կագլերը (յուրաքանչյուրը 250-հազարական դոլար), որոնք, կարծես, տեղի ունեցածին ամենաքիչն էին կապված: Իսկ Ռամոն Վասքեսը բժշկական անփութության ապահովագրություն չուներ: Նրա լիցենզիան հետ կանչելու դատը մինչեւ հիմա շարունակվում է:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է