• Latest news

Ոչ լիարժեք քունը կարող է բերել օրգանիզմի ջրազրկման

8 նոյեմբերի, 2018  14:03

Ջրազրկման վտանգը զգալիորեն մեծանում է այն մարդկանց մոտ, ովքեր օրական ոչ թե 8, այլ 6 եւ պակաս ժամ են քնում: Այսպիսի անսպասելի հայտարարությամբ են հանդես եկել Փենսիլվանիայի համալսարանի գիտնականները: Նրանց խոսքով՝ եթե մարդը գիշերային քնից հետո իրեն այնքան էլ լավ չի զգում, հնարավոր է, որ նրա մոտ առկա է ջրազրկում:

Գիտնականները SLEEP ամսագրում հետազոտություն են հրապարակել, որը ԱՄՆ-ից եւ Չինաստանից կամավորների օրինակով ցույց է տալիս, թե քունն ինչպես է ազդում մարմնի մեջ ջրի մակարդակի վրա: Պարզվել է, որ 6-ական ժամ քնող մարդկանց մեզն ավելի խիտ է եւ 16-59 տոկոսով մեծ է ջրի անհամարժեք մակարդակի առկայությունը նրանց համեմատությամբ, ովքեր 8-ական ժամ են քնում:

Ամբողջ հարցն այն է, որ հորմոնալ համակարգն է կարգավորում ջրի մակարդակը. օրգանիզմում վազոպրեսին հորմոնն արտադրվում է ամբողջ օրը, սակայն քնի փուլի վերջում այս հորմոնը սկսում է ավելի արագ արտադրվել: Ուստի, եթե մարդը ոչ լիարժեք է քնում, զրկվում է «պատուհանից», որում հորմոնն արտադրվում է:

Սա էլ, իր հերթին, բերում է ջրազրկման, որն ազդում է մարմնի բոլոր համակարգերի եւ դրանց ֆունկցիաների վրա, ներառյալ՝ ճանաչելը, տրամադրությունը, ֆիզիկական վիճակը: Երկարատեւ ջրազրկման դեպքում մեծանում է միզատար ուղիների ինֆեկցիաների եւ երիկամային քարերի առաջացման հավանականությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է