• Latest news

r8 մոլեկուլ՝ նոր զե՞նք ընդդեմ կայուն բակտերիաների

8 նոյեմբերի, 2018  18:18

Stanford Cancer Institute-ից քիմիկոսները հաճախ օգտագործվող հակաբիոտիկը փոփոխել են, որպեսզի մեծացնեն դրա արդյունավետությունը ընդդեմ հակաբիոտիկների հանդեպ կայուն բակտերիաների: Այս հայտնագործությունը եւս մեկ քայլ է հակաբիոտիկակայունության խնդրի հաղթահարման գործում:

Գիտնականները ոչ մեծ մոլեկուլ են ստեղծել, որն օգնում է սովորական հակաբիոտիկներին թափանցել բակտերիայի մեջ եւ այն ոչնչացնել: Այս մոլեկուլը հայտնի է որպես r8: Այն հակաբիոտիկին տառացիորեն տանում է բակտերիայի արտաքին պաշտպանական թաղանթի միջով եւ նպաստում ներսում դրա կուտակմանը:

Այս մոլեկուլի օգնությամբ հակաբիոտիկն արդյունավետ է դառնում մետիցիլինառեզիստենտ ոսկեգույն ստաֆիլոկոկի դեմ: Վանկոմիցինին (մետիցիլինառեզիստենտ ոսկեգույն ստաֆիլոկոկի դեմ պաշտպանության առաջին հավաքածուի հակաբիոտիկ) r8-ի հավելումը դեղամիջոցը 100 անգամ ավելի արդյունավետ է դարձրել:

Մասնագետները վստահ են, որ համանման կերպով կարելի է մոդիֆիկացնել նաեւ այլ հակաբիոտիկներն ու ընդհանրապես դեղերը՝ մեծացնելով դրանց արդյունավետությունը:

Հետազոտությունը ներկայացված է Journal of the American Chemical Society ամսագրում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել