• Latest news

Յուղոտ սնունդը կարող է լյարդին անշրջելի վնաս պատճառել. գիտնականներ

13 նոյեմբերի, 2018  22:59

Եթե մարդը յուղոտ եւ քաղցր կերակուր շատ է ուտում, նրա լյարդի մեջ մեծ քանակությամբ ճարպ է կուտակվում: Ամենասարսափելին այն է, որ այդ ճարպը նրա լյարդում է մնում, եթե անգամ մարդն անցնում է ավելի առողջ սննդակարգի: Այս մասին նշված է Science Translational Medicine ամսագրում հրապարակված նոր հետազոտության մեջ:

Weill Cornell Medicine-ի եւ Memorial Sloan Kettering Cancer Center-ի գիտնականները նանոսենսոր են մշակել, որի օգնությամբ հնարավոր է ոչ ինվազիվ կերպով հայտնաբերել եւ հետեւել լյարդում ճարպի կուտակմանը: Այս սենսորը մարդու մազից մոտ 1000 անգամ ավելի բարակ է, այն պատրաստված է միաշղթա ԴՆԹ-ից՝ փաթաթված միաշերտ ածխածնային նանոխողովակին: Լազոսոմներում ճարպի կուտակման դեպքում արձակվող լույսի գույնը փոխվում է:

Գիտնականներն այս սենսորն օգտագործել են մկների լյարդի վրա ճարպերի եւ շաքարի մեծ պարունակությամբ սնունդի ազդեցությունը գնահատելու համար, այնուհետեւ մկներին առողջ սննդակարգի վերադարձնելուց հետո գնահատել են արդյունքները: Նրանք հայտնաբերել են, որ չնայած ճարպային կուտակումների նվազմանը, որոշ մնացորդային ճարպեր երկար մնում են լյարդի բջիջներում:

«Նույնիսկ կարճ ժամանակ յուղոտ կերակուր ուտելը վատ գաղափար է: Լյարդի հիշում է»,- նշել է հետազոտության առաջատար հեղինակ բժիշկ Դանիել Հելերը:

Լյարդի ոչ ալկոհոլային ճարպային հիվանդությունը ԱՄՆ-ում ախտահարում է մարդկանց 30 տոկոսին, որտեղ տարածված է ճարպերի եւ շաքարի մեծ պարունակությամբ սնունդը: Ավելցուկային ճարպը կուտակվում է լյարդի բջիջներում, որոնք կոչվում են Կուպֆերի բջիջներ, եւ կարող է առաջացնել ավելի լուրջ հիվանդություններ՝ բորբոքում, սպիացում եւ նույնիսկ լյարդի քաղցկեղ (ոչ ալկոհոլային ստեատոհեպատիտ):

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է