• Latest news

Գիտնականները հայտնել են սրտի հիվանդությունների դեմ պայքարի համեղ միջոցի մասին

13 նոյեմբերի, 2018  21:06

Օրական ընդամենը մեկ գավաթ թեյը նվազեցնում է սիրտ-անոթային հիվանդությունների զարգացման հավանականությունը: Այս մասին հայտնում է Live Science պարբերականը՝ վկայակոչելով Արեւմտյան Ավստրալիայի համալսարանի մասնագետներին:

Գիտնականները վերլուծել են 23 տարի տեւողությամբ հետազոտության տվյալները, որոնց մեջ ներգրավվել են 53 հազար մարդիկ: Ընդ որում՝ կամավորների ընդհանուր թվից մոտ 12 հազարը սրտային հիվանդություններով են տառապել:

Փորձի մասնակիցների սննդակարգը համեմատելով՝ մասնագետները եկել են այն եզրակացության, որ մոտ 500 միլիգրամ ֆլավոնոիդներ պարունակող մթերքների գործածումը առողջության վրա բարերար ազդեցություն ունի: Մասնավորապես՝ պաշտպանում է սրտի իշեմիկ հիվանդությունների, կաթվածի եւ ծայրամասային անոթների հիվանդությունների զարգացումից:

Ֆլավոնոիդների նման քանակություն է պարունակվում, օրինակ, մեկ գավաթ թեյի, բրոկոլիի եւ հապալասի կույտի մեջ: Փորձագետների կարծիքով՝ այսպիսի բուժական էֆեկտը կարելի է բացատրել ֆլավոնոիդների հակաբորբոքային հատկություններով:

Գիտնականները, միաժամանակ, նշում են ծխելուց եւ ալկոհոլային ըմպելիքների գործածումից հրաժարվելու անհրաժեշտության մասին, քանի որ այս վնասակար սովորությունները կարող են զրոյացնել նշված մթերքների օգուտը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել