• Latest news

Կրծքի սիլիկոնային իմպլանտները մեծացնում են աուտոիմունային հիվանդությունների զարգացման հավանականությունը. գիտնականներ

14 նոյեմբերի, 2018  14:19

Կրծքում սիլիկոնային իմպլանտ ունեցող կանանց շրջանում աուտոիմունային հիվանդությունների զարգացման հավանականությունը 45 տոկոսով մեծանում է՝ բնական կրծքով կանանց համեմատությամբ: Այսպիսի անսպասելի եզրակացության են հանգել University of Alberta համալսարանի (Կանադա) գիտնականները:

Նրանց կարծիքով՝ աուտոիմունային հիվանդությունների զարգացման մեծ հավանականությունը կապված է կրծքի իմպլանտների նկատմամբ օրգանիզմի ռեակցիայի հետ, որը մարմնում հայտնված օտար նյութ է:

Գիտնականները վերլուծել են գրեթե 25 հազար իսրայելցի կանանց հետեւելու արդյունքները, որոնք կուրծքը մեծացրել են իմպլանտների միջոցով, եւ այս վիրահատությանը չենթարկված 100 հազար կանանց: Արդյունքում՝ հետազոտողները փոխկապվածություն են հայտնաբերել սիլիկոնային իմպլանտների եւ որոշ աուտոիմունային հիվանդությունների միջեւ, մասնավորապես՝

  • Շեգրենի համախտանիշ, թքագեղձերի եւ արցունքագեղձերի աուտոիմունային հիվանդություն,
  • համակարգային սկլերոզ, շարակցական հյուսվածքի աուտոիմունային հիվանդություն, որը հարձակվում է մաշկի, անոթների, երիկամների եւ թոքերի վրա,
  • սարկոիդոզ, թոքերի, մաշկի եւ ավշահանգույցների աուտոիմունային հիվանդություն:

Գիտնականների խոսքով՝ պլաստիկ վիրաբույժները պետք է իրենց հիվանդներին նախազգուշացնեն աուտոիմունային հիվանդությունների զարգացման մեծ հավանականության մասին, հատկապես եթե նրանք արդեն ունեն նման հիվանդություններ կամ դրանց նկատմամբ հակվածություն: Անչափ կարեւոր է նաեւ զգուշություն պահպանել ալերգիայի ցանկացած տարատեսակի առկայության դեպքում, քանի որ ալերգիան նույնպես աուտոիմունային ռոակցիա է, շեշտում են մասնագետները:

Նշենք, որ աուտոիմունային հիվանդությունները կապված են մարդու իմունային համակարգի աշխատանքի խախտումների հետ, որը սկսում է սեփական հյուսվածքներն ընկալել որպես օտար եւ գրոհում է դրանց վրա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է