• Latest news

Օրական անգամ երկու րոպե քայլելն օգտակար է առողջության համար․ գիտնականներ

14 նոյեմբերի, 2018  19:38

Ցանկացած ֆիզիկական ակտիվություն օգտակար է առողջության համար՝ ինչպես կարճաժամկետ, այնպես էլ երկարաժամկետ հեռանկարում՝ պնդում են մասնագետները։ ԱՄՆ-ում հրատարակված «Ֆիզիկական ակտիվության ուղեցույցի» նոր տարբերակում ասվում է, որ օրական անգամ երկու րոպե քայլելը կարող է շատ օգտակար լինել։

Այս փաստաթղթի նախորդ (2008թ․) հրատարակությունում խորհուրդ էր տրվում ֆիզիկական ակտիվությանն օրական 10 րոպեից ոչ պակաս ժամանակ տրամադրել։ Նոր ուղեցույցը հրատարակվել է Journal of the American Medical Association-ում։

Ուղեցույցի համաձայն՝

• Ֆիզիկական ակտիվության նույնիսկ մեկ դեպքը լավացնում է կոգնիտիվ ունակությունները, թեթեւացնում է տագնապայնությունը, իջեցնում արյան ճնշումը, բարելավում քունը, օրգանիզմին օգնում է գլյուկոզան վերածել էներգիայի։

• Պարբերաբար ֆիզիկական ակտիվությունը բարելավում է գլխուղեղի առողջությունը, նվազեցնում է քաղցկեղի 8 տեսակների ռիսկը եւ կանխում քաշի ավելացումը։

• Ֆիզիկական ակտիվությունը թեթեւացնում է քրոնիկ հիվանդությունների, այդ թվում՝ արտրիտի, հիպերտոնիայի, 2-րդ տեսակի շաքարախտի եւ ընկճախտի ընթացքը։

• Ֆիզիկական ակտիվությունը բարելավում է դեմենցիա, ցրված սկլերոզ, ուշադրության դեֆիցիտ եւ հիպերակտիվություն, Պարկինսոնի հիվանդություն ունեցողների գլխուղեղի ֆունկցիան:

«Սա աշխարհի ամենաէժան դեղատոմսն է, սակայն մարդկանց մեծ մասը չի ուզում հետեւել դրան»,- նշել է Ֆլորիդայի համալսարանի բժշկական քոլեջի պրոֆեսոր Այլին Հանդբերգը։

Մեծահասակների համար շաբաթական անհրաժեշտ ակտիվության չափը նույնն է՝ 150-300 րոպե աէրոբային չափավոր ծանրաբեռնվածություն կամ 75-150 րոպե ինտենսիվ վարժություններ, այդ թվում՝ շաբաթական երկու անգամ ուժային վարժություններ։

Մինչեւ 5 տարեկան երեխաներին խորհուրդ է տրվում օրական 3 ժամ ակտիվ լինել՝ աճը եւ զարգացումը լավացնելու համար։ Ցանկալի է, որ 6-17 տարեկանները օրական մեկ ժամ տրամադրեն ֆիզիկական ակտիվությանը՝ չափավորից մինչեւ ինտենսիվ վարժություններով։

Հղի կանայք ծննդաբերությունից հետո պետք է հիշեն, որ իրենց խորհուրդ է տրվում շաբաթական 150 րոպե չափավոր ինտենսիվության վարժություններ կատարել։ Իսկ տարեց մարդկանց խորհուրդ է տրվում աէրոբային եւ ուժային վարժություններին ավելացնել հավասարակշռության պահպանման համար վարժությունները։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է