Ինչո՞ւ է վատ գաղափար ընկերքն ուտելը

15 նոյեմբերի, 2018  13:32

Որոշ կենդանիներ ծննդաբերությունից հետո իրենց ընկերքն ուտում են: Իսկ վերջին շրջանում մեծ թվով կանայք են հայտնվել, այդ թվում՝ երաժշտության եւ կինոյի աստղեր, որոնք այս օրինակին են հետեւում:

Կանանցից ոմանք ընկերքը չորացնում են, մանրացնում կամ դրանից հաբեր են պատրաստում: Մյուսները դրանից սմուզի են պատրաստում: Նրանք վեբկայքերի էջերում եւ բլոգներում հաճույքով պատմում են իրենց փորձի մասին: Հայտնի Քիմ Քարդաշյանը եւս վերջերս պատմել էր ընկերքն ուտելու սեփական փորձի մասին:

Մասնագետները, սակայն, պնդում են, որ ընկերքն ուտելը վատ գաղափար է: Փորձենք հասկանալ՝ ինչու:

Ընկերքաֆագիայի (ընկերքն ուտելու) կողմնակիցները հայտարարում են, որ այս «ծիսակարգը» մորը պաշտպանում է հետծննդյան դեպրեսիայից, մեծացնում է  էներգիայի մակարդակը եւ նպաստում կրծքով կերակրելուն:

Հետազոտության համաձայն՝ ընկերքն ուտելուց որոշակի օգուտ կարող են ստանալ միայն կենդանիները: Օրինակ՝ իրենց ընկերքը կերած առնետների էգերի մոտ նվազել է ցավային շեմը: Սակայն դա չի նշանակում, որ մարդկանց դեպքում ընկերքն ուտելը նույնպիսի էֆեկտ կունենա:

Մասնագետների մեծամասնությունը պնդում է, որ ընկերքն ուտելը մարդկանց վրա էական ազդեցություն չի ունենում, իսկ կանայք, ովքեր հայտնում են ընկերքն ուտելու առավելությունների մասին, պլացեբոյի էֆեկտ են ունենում, եւ ոչինչ ավելին:

Ավելին՝ ընկերքն ուտելը կարող է պարունակել նաեւ լուրջ վտանգներ, հատկապես եթե այն ինչ-որ բանով վարակված է՝ նախապես կամ սխալ պահելու հետեւանքով, պնդում է մանկաբարձ-գինեկոլոգ Կեսիա Գայթերը:

Օրինակ՝ 2016 թվականին դեպք է պատահել, երբ Օրեգոնից կինը որոշել է ծննդաբերությունից հետո մեկ շաբաթ իր ընկերքն օգտագործել պատիճներում: Սակայն շուտով նրա երեխայի մոտ սկսել է զարգանալ մահացու ինֆեկցիա, որն առաջացրել էին ընկերքի բակտերիաները, որոնք հայտնվել էին մոր օրգանիզմում, իսկ նրանից երեխային էին փոխանցվել:

Մասնագետների խոսքով՝ ծնողները պետք է տեղյակ լինեն ընկերքն ուտելու հետ կապված վտանգների մասին: Նույնիսկ եթե ինֆեկցիայի հավանականությունը փոքր է, այն, այնուամենայնիվ, գոյություն ունի. մոր կողմից ընկերքի գործածման պատճառով կարող է լուրջ վտանգի ենթարկվել երեխան, իսկ ահա օգուտ հաստատապես նրանցից ոչ մեկը չի ստանա:

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի