Քանի որ մրսածության եւ ՍՇՎ սեզոնը բարձրակետին է, քթի լցվածության խնդիրն ինչպես երբեք արդիական է: Ձեր ուշադրությանն ենք ներկայացնում մի քանի մթերքներ, որոնք կօգնեն վերացնել քթի լցվածությունը եւ վիճակը կթեթեւացնեն մրսածության ու ՍՇՎ-ի դեպքերում:
Կոճապղպեղ
Կոճապղպեղը պարունակում է ուժեղ հակաբորբոքային եւ հակաօքսիդանտային բաղադրիչներ, ուստի կոճապղպեղով թեյը կարող է օգնել շնչուղիները «բացելուն» եւ թեթեւացնել շնչառությունը:
Սոխ
Քթի լցվածության դեմ մեկ այլ տնական միջոց է սոխը: Այն հարուստ է ֆիտոնցիդներով՝ բուսական նյութեր, որոնք բակտերիաները ոչնչացնում են: Սոխը կարելի թարմ վիճակում ավելացնել աղցաններին կամ ջեռոցում տապակել:
Ծովաբողկ
Ծովաբողկի բաղադրության մեջ մտնող ֆիտոնցիդները օգնում են պայքարել ախտածին վիրուսների ու բակտերիաների դեմ եւ թեթեւացնում են շնչառությունը:
Բանջարեղենով հավի արգանակ
Բանջարեղենով հավի արգանակը նվազեցնում է բորբոքային պրոցեսների ինտենսիվությունը՝ պաշտպանելով հազի նոպաներից եւ բարելավելով շնչուղիների վիճակը:
Սուր համեմունքներ
Սուր համեմունքների օգտագործումը նույնպես օգնում է քթի լցվածության արագ հաղթահարմանը: Դրանից բացի, շատ համեմունքներ հակաբորբոքային ազդեցություն ունեն, ուստի մրսածության եւ ՍՇՎ-ի դեպքում ցանկալի է դրանք ավելացնել սննդակարգին:
Արքայախնձոր
Արքայախնձորում պարունակվող նյութերն արդյունավետորեն են պայքարում լորձաթաղանթի բորբոքային պրոցեսների դեմ:
Ցիտրուսայիններ
Ցիտրուսայինների մեջ պարունակվող С վիտամինը ակտիվացնում է օրգանիզմի պաշտպանական ուժերը եւ օգնում հաղթահարել հարբուխը:
Ջուր
Քթի լցվածության դեպքում փորձեք տաք ջուր խմել՝ արդյունքը հաճելիորեն կզարմացնի: Եթե ձեզ սովորական տաք ջուրը հաճելի չէ, փորձեք թեյ խմել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր