• Latest news

Ինչով են վտանգավոր անաբոլիկ ստերոիդները

22 նոյեմբերի, 2018  22:01

Տղամարդկանց, ովքեր մկանային զանգվածը մեծացնելու համար տեստոստերոնի տեսքով անաբոլիկ ստերոիդներ են ընդունում, ժամանակից շուտ մահանալու վտանգ է սպառնում։ Այդ մասին ասվում է Journal of Internal Medicine ամսագրում հրատարակված հետազոտության մեջ։

Կոպենհագենի համալսարանի գիտնականները պարզել են, որ անաբոլիկ ստերոիդներ գործածողների մահացածությունը մեծանում է 3 անգամ՝ համեմատած նրանց հետ, ովքեր չեն օգտագործում ո՛չ սինթետիկ․ ո՛չ բնական անդրոգեններ։ Բացի այդ, անաբոլիկ ստերոիդների գործածությունը կապված է այն հոսպիտալացումների թվի աճի հետ, որոնք կատարվել են այդ միջոցների կողմնակի ազդեցությունների պատճառով։

Ամենատարածված կողմնակի ազդեցությունների թվին են պատկանում ակնեն, գինեկոմաստիան (տղամարդկանց մոտ կրծքի մեծացումը) եւ էրեկտիլային ֆունկցիայի խանգարումը։ Համարվում է նաեւ, որ անաբոլիկ ստերոիդները բացասաբար են ազդում սրտանոթային համակարգի վրա։Եթե տղամարդը տեստոստերոնի կամ այլ անաբոլիկ ստերոիդների սրսկումներ է ընդունում, նրա օրգանիզմը դադարում է տղամարդկային հորմոնների արտադրությունը, որից կախված է լիբիդոն, էրեկցիան, մաշկի եւ մկանային զանգվածի վիճակը։

Ավելին, նրա մոտ բարձրանում է կանացի հորմոնների մակարդակը, որոնց ազդեցությամբ սկսում է աճել կուրծքը, փոքրանում են ամորձիների չափերը եւ հայտնվում են մի շարք այլ խնդիրներ։ Ստերոիդների հետ դրանց կապի մասին շատ տղամարդիկ չեն էլ կասկածում։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է