Դիետոլոգները խորհուրդ են տալիս ամենօրյա սննդակարգում ընկույզներ ներառել եւ դա պատահական չէ:
Նուշի մեջ կան В խմբի վիտամիններ, կարոտին, Е եւ РР վիտամիններ, հակաօքսիդանտներ, օրգանական թթուներ, ֆոսֆոր, մոնոհագեցած ճարպեր: Բացի այդ, այն պարունակում է նատրիում, կալիում, կալցիում, մագնեզիում, երկաթ: Նուշը օգնում է դեպրեսիայի եւ հոգնածության դեպքում:
Գետնընկույզում մինչեւ 60 տոկոս յուղ է պարունակվում: Նրա կազմի մեջ սպիտակուցներ (մինչեւ 25 տոկոս), շաքար, բջջանյութ, В եւ Е վիտամիններ, պանտոտենային թթու, բիոտին եւ գլյուտեն կա: Հակաօքսիդանտների շնորհիվ, գետնընկույզը սրտանոթային հիվանդությունների կանխարգելման արդյունավետ միջոցներից մեկն է:
Հունական ընկույզում ճարպերը մի փոքր ավելին են՝ մինչեւ 70 տոկոս: Դրանցում նաեւ սպիուտակուցներ (20 տոկոս), երկաթի եւ կոբալտի աղեր կան, այն հարուստ է А, В1, Р եւ Е վիտամիններով: Շատերը կզարմանան, բայց հունական ընկույզում ավելի շատ ասկորբինաթթու կա, քան սեւ հաղարջում եւ ցիտրուսայիններում:
Հունական ընկույզը խորհուրդ է տրվում հիպո եւ ավիտամինոզի բուժման ընթացքում, երկաթի եւ կոբալտի պակասի, աթերոսկլերոզի բուժման եւ կանխարգելման դեպքում:
Պնդուկը նույնպես հարուստ է օգտակար նյութերով եւ միկրոտարրերով. А, В, С, Е եւ РР վիտամիններ, ֆտոր, երկաթ, յոդ:
Մսի եւ ձկան հետ միասին, պնդուկը ներառված է սպիտակուցային մթերքների խմբում: Կալիումի, կալցիումի եւ նատրիումի բարձր պարունակության շնորհիվ այն պետք է ընդունել քրոնիկ հոգնածության ժամանակ:
Այնուամենայնիվ, փորձագետները հորդորում են օրական ոչ ավելի, քան 50 գրամ պնդուկ ուտել, քանի որ մեծ քանակությամբ օգտագործելու դեպքում այն կարող է գլխուղեղի սպազմ եւ, որպես հետեւանք, գլխացավեր առաջացնել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր