• Latest news

ԵՊԲՀ-ում բժշկության կորիֆեյներ Քրիստափոր Պետրոսյանի եւ Արամ Աբրահամյանի անուններով են կոչվել նոր կրթաթոշակները

29 նոյեմբերի, 2018  18:25

Երեւանի Հերացու անվան պետական բժշկական համալսարանում սահմանվել են երկու նոր անվանական կրթաթոշակներ:

ԵՊԲՀ ռեկտոր Արմեն Մուրադյանը NEWS.am Medicine-ի հետ հարցազրույցում նշեց, որ Քրիստափոր Պետրոսյանի անվան կրթաթոշակը սահմանվել է «Վնասվածքաբանություն եւ օրթոպեդիա» մասնագիտացման գծով, իսկ պրոֆեսոր Արամ Աբրահամյանի անվան կրթաթոշակը՝ «Ուրոլոգիա» մասնագիտացման: «Կրթաթոշակներն, ամենայն հավանականությամբ, կսկսեն գործել 2019 թվականի հունվարից»,- հայտնեց նա:

Նրա խոսքով՝ այս կրթաթոշակները ֆինանսավորելու առաջարկով է հանդես եկել բժիշկ-ուրոլոգ, ՄՊՀ կլինիկայի տնօրեն, ՌԳԱ ակադեմիկոս Արամայիս Կամալովը: «Արդեն ավելի քան 10 տարի նա անձամբ ֆինանսական աջակցություն է ցուցաբերում ԵՊԲՀ տասնյակ ուսանողների: Իմ կարծիքով՝ սա ոչ միայն վեհաձնություն է, այլեւ կարող է օրինակ ծառայել մյուս բժիշկների եւ մեր հայրենակիցների համար»,- շեշտեց Մուրադյանը:

Ե՛վ պրոֆեսոր Պետրոսյանը, ե՛ւ պրոֆեսոր Աբրահամյանը հայտնի բարերարներ էին, որոնք շատերին են անշահախնդիր օգնություն ցույց տվել:

Քրիստափոր Պետրոսյանը մեծ ավանդ է ունեցել Հայաստանում վնասվածքաբանության զարգացման մեջ. նրա ջանքերով 1947 թվականին Երեւանում ստեղծվել է Օրթոպեդիայի եւ վնասվածքաբանության ԳՀԻ-ն, որն այսօր կրում է նրա անունը: Հետաքրքիր փաստ նրա կենսագրությունից. Աշգաբադում աշխատելու ժամանակահատվածում Պետրոսյանը կարողացել է անդամահատումից փրկել Լեւոն Շահումյանի՝ հեղափոխական եւ քաղաքական գործիչ Ստեփան Շահումյանի որդու ոտքը:

Մեծ Հայրենական պատերազմի տարիներին Արամ Աբրահամյանը Հայկական ԽՍՀ-ի Էվակուացիոն հոսպիտալներում առաջատար ուրոլոգ էր աշխատում: Նա ոչ միայն հիանալի բժիշկ էր. 1980-ին նա Հայաստանին որպես նվեր մատուցեց հայտնի ռուս նկարիչների նկարների իր հավաքածուի մեծ մասը: 1984-ին Երեւանում բացվեց Ռուսական արվեստի թանգարանը:

«Արամ Յակովլեւիչը եւ Քրիստափոր Հայրապետովիչը մեծագույն բարերարներ են: Նրանք ոչ միայն ֆինանսապես օգնում էին իրենց աշակերտներին, այլ անհատույց օգնում էին հիվանդներին՝ բուժում էին, դեղեր եւ սննդամթերք գնում:

Ես կարծում եմ՝ դա հիանալի նվեր է ուսանողներին, որոնք պետք է մի փոքր հեռանան կենսական պրակտիցիզմից», - նշեց Մուրադյանը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է