• Latest news

Ի՞նչ տեղի կունենա օրգանիզմի հետ ժամը 18.00-ից հետո չուտելու դեպքում

30 նոյեմբերի, 2018  21:03

Սննվելու հարցում ամենատարածված սահմանափակումներից մեկը երեկոյան վեցից հետո սննդից հրաժարվելն է։  Մինչդեռ, մասնագետները կարծում են, որ այս անառողջ սովորությունը կարող է շատ անբարենպաստ հետեւանքներ ունենալ օրգանիզմի համար։

NEWS.am Medicine-ի հետ զրույցում դիետոլոգ Հասմիկ Աբովյանը նշել է, որ մարդն, ըստ էության, եթե սոված մնա 12 ժամից ավելի (այսինքն՝ մինչեւ առավոտյան նախաճաշը), ապա դա կարող է բերել ոչ թե քաշի կորստի, այլ հակառակը՝ ճարպակալման։

Բանն այն է, որ կտրուկ սահմանափակող դիետաների, ինչպես նաեւ 18.00-ից հետո սննդից հրաժարվելու դեպքում օրգանիզմում «Պատերազմ-Սով- SOS» գործառույթն է միանում։ Սա նշանակում է, որ օրգանիզմը նվազեցնում է էներգիայի ծախսը, կալորիաներն էլ, փաստացի, դադարում են այրվել հանգստի վիճակում։

Արդյունքում ամեն սննդի կտորը դառնում է ճարպ։ Սրա պատճառն այն է, որ «Պատերազմ-Սով- SOS» վիճակում մարդու հորմոնալ համակարգը սկսում է ուղղվել դեպի լիպոգենեզ (ճարպաթթուների սինթեզման գործընթաց)։

Այլ կերպ ասած, օրգանիզմում սկսվում է ճարպի կուտակման գործընթաց։

«Մի կողմից, երբ մենք քաղցում ենք, արդյունքում իսկապես քաշի կորուստ է նկատվում։ Սակայն սրան անմիջապես հետեւում է քաշի կրկնակի ավելացումը»,-նշում է Աբովյանը։

Առողջության համար անցանկալի հետեւանքներից խուսափելու համար դիետոլոգը խորհուրդ է տալիս նիհարել ցանկացողներին անպայման խորհրդակցել մասնագետի հետ։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է