• Latest news

Քաղցկեղի դեմ դեղերը կարող են արդյունավետ լինել պապիլոմա վիրուսի բուժման համար

6 դեկտեմբերի, 2018  09:22

Հակաքաղցկեղային դեղամիջոցները, ինչպես վորինոստատը, բելինոստատը եւ պանոբինոստատը կարելի է օգտագործել մարդու պապիլոմայի վիրուսով (ՄՊՎ) վարակվելու հետեւանքով զարգացող հիվանդությունների բուժման համար: Մինչկլինիկական փորձարկումների ընթացքում այսպիսի եզրակացության են հանգել University of Alabama-ի գիտնականները:

ՄՊՎ-ն համարվում է շատ վտանգավոր վիրուս եւ կարող է բերել արգանդի վզիկի, հեշտոցի, ուղիղ աղիքի եւ կոկորդի քաղցկեղի զարգացման: Վիրուսի դեմ արդյունավետ պատվաստանյութեր կան, սակայն դրանք խորհուրդ է տրվում ներարկել մինչեւ սեռական կյանքով ապրելը՝ մինչ այն, երբ մարդը կհասցնի վիրուսով վարակվել:

Իսկ եթե մարդն արդեն ՄՊՎ-ով վարակվել է, վիրուսային ակտիվությունն առավել հաճախ սկսում է արտահայտվել արգանդի վզիկի, առնանդամի եւ հետանցքի էպիթելերում, ինչպես նաեւ բերանի խոռոչի ու կոկորդի էպիթելերում: Վիրուսային ակտիվությունը մեծապես կախված է բջիջների դիֆերենցման պրոցեսից եւ լիարժեք էպիթելերի վերափոխվելուց: ՄՊՎ-ն դիֆերենցված բջիջներում վերաակտիվացնում է ԴՆԹ-ի ռեպլիկացիան (տեղի է ունենում վիրուսային ԴՆԹ-ի ամպլիֆիկացիայի աջակցություն՝ քրոմոսոմային ԴՆԹ-ի հատվածների լրացուցիչ պատճենների առաջացում):

Վերջերս ստեղծվել էր ՄՊՎ-18-ով վարակված կերատինոցիտների թեստային մոդել: ԱՄՆ-ից մասնագետները դրա վրա ստուգել էին իրենց տեսությունը, որի համաձայն՝ հիստոնդեզացետիլազ (HDAC) ինհիբիտորները քրոմոսոմային ԴՆԹ-ի ռեպլիկացիայի խախտման հետեւանքով կարգելակեն ՄՊՎ ԴՆԹ-ի ամպլիֆիկացիան:

Գիտնականների կարծիքով՝ վորինոստատը մեծ թվով HDAC է ինհիբիրացնում, ուստի այն կարող է ընդհատել ոչ միայն քրոմոսոմային ռեպլիկացիան, այլեւ վիրուսային ԴՆԹ-ի ռեպլիկացիան: Ցույց է տրվել, որ միջոցն արդյունավետորեն արգելակել է ՄՊՎ-18-ի ԴՆԹ-ի ամպլիֆիկացիան եւ վիրուսի արտադրումը: Դեղամիջոցը դիֆերենցված բջիջներում նաեւ սկսել է ծրագրավորված բջջային մահ (ապոպտոզ):

Համանման արդյունքներ են ստացել եւս երկու HDAC ինհիբիտորների (բելինոստատի եւ պանոբինոստատի) դեպքում: Հետաքրքիր է, որ դեղամիջոցներն առողջ բջիջներին առանձնապես չեն սպառնացել: Օրինակ՝ վորինոստատը ոչնչացրել է անոմալ եւ քաղցկեղային բջիջները, որոնք թաքցրել են ՄՊՎ-16-ի հետքերը՝ շտամ, որը ՄՊՎ-18-ի հետ, առավել հաճախ է առաջացնում անոգենիտալ եւ օրոֆարինգեալ քաղցկեղ: Ընդ որում՝ առողջ բջիջները չեն վնասվել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է