• Latest news

Լուցկու չափի իմպլանտը կօգնի Պարկինսոնի հիվանդության բուժմանը (տեսանյութ)

7 դեկտեմբերի, 2018  09:26

«Ստենտրոդը» լուցկու չափի եւ 4 մմ տրամագծով իմպլանտ է, որը կօգնի ծանր նեւրոլոգիական հիվանդություններով տառապող հիվանդների բուժմանը:

Վիրաբուժական միջամտություններ, իսկ հատկապես գանգի տրեպանացիա չի պահանջվի, քանի որ իմպլանտն արյունատար անոթ է մտցվում պարանոցի վրա արված փոքրիկ կտրվածքով: Իմպլանտի հետագիծը  վիրաբույժը կառավարում է անգիոգրաֆիայի միջոցով:

Գիտնականների միջազգային խումբը 2012 թվականից աշխատում է «ստենտրոդի» ստեղծման վրա: Այն պատրաստելու համար օգտագործվել է նիտինոլ (տիտանի եւ նիկելի համաձուլվածք), ինչը նրան ամրություն, ինչպես նաեւ բավականաչափ առաձգականություն է հաղորդում: Իմպլանտի աշխատանքի սկզբունքը հետեւյալն է՝ «ստենտրոդը» արյունատար անոթի միջոցով ուղեղին էլեկտրական ազդանշաններ է փոխանցում:

Մինչեւ հիմա էլեկտրախթանիչի տեղադրումը պահանջում էր գլխուղեղի բաց վիրահատություն: Իսկ հիմա այս վիրաբուժական միջամտության անհրաժեշտությունը չկա:

Գիտնականների կարծիքով՝ «ստենտրոդը» կարելի է կիրառել էպիլեպսիայի, դեպրեսիայի եւ Պարկինսոնի հիվանդության ախտանշանները մեղմելու համար, ինչպես նաեւ ուղեղի եւ կիբեռնետիկական պրոթեզի միջեւ կապ հաստատելու համար:

Նոր իմպլանտն արդեն կենդանիների վրա հաջող փորձարկումներ է անցել:

Հետազոտությունը հրապարակվել է Nature Biomedical Engineering ամսագրում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է