• Latest news

Առաջին ծննդաբերությունից հետո կրծքագեղձի քաղցկեղի հավանականությունը 80 տոկոսով մեծանում է. հետազոտություն

11 դեկտեմբերի, 2018  20:22

Առաջին ծննդաբերությունից հետո կանանց շրջանում կրծքագեղձի քաղցկեղի հավանականությունը 80 տոկոսով մեծանում է: Այսպիսի անսպասելի եզրահանգում են կատարել Հյուսիսային Կարոլինայի գիտնականները:

Հետաքրքիր է, որ մինչեւ հիմա երեխայի ծնունդը համարվում էր կրծքագեղձի քաղկեղից պաշտպանող գործոն: Գիտնականներն ասում էին, որ ծննդաբերությունից հետո տեղի են ունենում կրծքագեղձի բջիջների փոփոխություններ, որոնք էլ հենց այս գեղձերը պակաս խոցելի են դարձնում չարորակ նորագոյացությունների հանդեպ:  Սակայն տարիքի, մանկածնության եւ կրծքագեղձի քաղցկեղի միջեւ կապն իրականում ավելի բարդ է, քան կարող է առաջին հայացքից թվալ:

Ամերիկացի հետազոտողները զգուշացնում են, որ 25 տարեկանից հետո ծննդաբերած կանայք մտնում են կրծքագեղձի վաղ քաղցկեղի մեծ ռիսկի խմբում: Գիտնականների խոսքով՝ քաղցկեղի այս տեսակի զարգացման հավանականությունն ավելի մեծ է առաջին ծննդաբերությունից հետո առաջին 5 տարիներին: Իսկ ծննդաբերությունից հետո 23 տարի անց հավանականությունը զգալիորեն նվազում է:

Նշենք, որ կրծքագեղձի քաղցկեղը ամբողջ աշխարհում քաղցկեղի ամենատարածված տեսակներից մեկն է: Ըստ վիճակագրության՝ վաղ թե ուշ կրծքագեղձի քաղցկեղին բախվում է յուրաքանչյուր 8-րդ կինը: Ոմանց այս հեռանկարն այնքան է վախեցնում, որ նրանք ենթարկվում են նախազգուշական մաստէկտոմիայի, ինչպես դա արել է հայտնի դերասանուհի Անջելինա Ջոլին: Ճիշտ է, նրան նման որոշման է դրդել BRCA1 գենում մուտացիայի առկայությունը, որը նրա մոտ կրծքագեղձի քաղցկեղի զարգացման հավանականությունը մեծացնում է մինչեւ 80 տոկոսով:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է